TOP
  • Home
  • Amawulire
  • Omusuubuzi w'ebirime abuziddwaawo mu ngeri etategeerekeka

Omusuubuzi w'ebirime abuziddwaawo mu ngeri etategeerekeka

By Musasi wa Bukedde

Added 12th January 2019

OMUSUUBUZI w’ebirime mu Kampala, Fred Kahwa 42 abuziddwaawo abantu abatannategeerekeka bwe baamuggye ku mulimu gy’akolera mu kibuga ku ofiisi z’ebyettaka, ne bamuteekako empingu ne bamutwala mu Nakibinge Zooni gy’asula ne baaza ennyumba nga tebanyeze mukyala we ne bamubuzaawo.

Laba 703x422

Kahwa

Betty Anyango, mukyala we ategeezezza nti bba tabadde na buzibu bwonna ku kyalo, wabula abadde n’enkaayana z’ettaka e Ngoma mu Nakaseke wakati we n’abantu abaali balipangisaako nga jjajjaawe Rose Nalumansi ta nafa.

Bano bazze beenyoola okumala akabanga era ng’agenda kubawangula era ng’ekiddako kuvaako.

Anyango yagambye nti ku lunaku Mmande, yava awaka n’agenda okukola mu kibuga n’akomawo ku ssaawa 10:00 ez’olweggulo n’anona empapula ezikwata ku ttaka lyennyini eryo, yagenda okweekanga, ng’akomyewo n’abasajja basatu abaali mu ngoye zaabulijjo nga bamutadde ku mpingu ne bayingira naye ennyumba ne batandika okugikebera buli wamu.

“Nalaba nga mu biwandiiko bye, waliwo empapula ze baasikamu, ne bagenda nazo wabula nga ne bw’oyagala okwogera naye ng’omubuuza ekimutuuseeko, nga tebamukkiriza kwogera. Okuva kw’olwo talabikanga”, Anyango bwe yagambye.

Eric Nsabimana, ssentebe w’e Nakibinge zooni mu Makindye yagambye nti, Anyango yasooka kuddukira wuwe enkeera ng’alaba bba tadda, ne bakuba ku masimu ge nga tegayitamu, olwo ne bagenda bombi ku poliisi y’e Kabalagala ebali okumpi nga taliiyo, ne babasindika ku PSU e Bukoto nayo ne babagamba nti tebamulina.

“Aba PSU baatuwadde amagezi tugendeko ku poliisi ya CPS mu kampala ne bakebera mu biwandiiko byabwe nga tebamulina, mu za Flaying squad taliimu, ne mu malwaliro taliiyo.

Twagenze ku kitebe kya bambega e Kibuli ne batugamba okuddayo ku CPS ne batandika okukuba amasimu n’okuweereza obubaka mu bitundu eby’enjawulo naye akyabuze.

Ensonga z’okubuzibwawo kwa Fred Kahwa baagenze bazitegeeza poliisi ez’enjawulo okuli Kabalagala ku fayiro nnamba sD: 26/09/01/2019, CPS ku fayiro nnamba SD: 20/09/01/2019, ne poliisi endala.

More From The Author

Emboozi z’omuwandiisi endala

Emboozi endala

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...

Magaya 220x290

Abawala 98 banunuddwa ku babadde...

ABEEBYOKWERINDA banunudde abawala 98 ababadde bakukusibwa okutwalibwa mu nsi za bawalabu okukuba ekyeyo.