TOP
  • Home
  • Amawulire
  • Abooludda oluvuganya baagala Gav't ewere eby'okusoma S.5 ne S.6

Abooludda oluvuganya baagala Gav't ewere eby'okusoma S.5 ne S.6

By Musasi wa Bukedde

Added 21st January 2019

ABOLUDDA oluvuganya baagala gavumenti eggyewo eby’okusoma siniya ey’okutaano n’eyomukaaga ebisikize okutendeka abayizi mu misomo gy’emikono kye basuubira nti kijja kukendeeza ku bbula ly’emirimu.

Aaaaaaabig703422 703x422

Akulira oludda oluvuganya Gavumenti, Betty Aol Ochan ng'aliko by'annyonnyola mu Palamenti gye buvuddeko

ABOLUDDA oluvuganya baagala gavumenti eggyewo eby’okusoma Ssiniya ey’okutaano n’eyoomukaaga ebisikize okutendeka abayizi mu misomo gy’emikono kye basuubira nti kijja kukendeeza ku bbula ly’emirimu.

Mu nkola eno ab’oludda oluvuganya bagamba nti omuyizi asaanye asome emyaka musanvu mu pulayimale, ena mu siniya , ebiri mu by’emikono n’obukugu obulala obw’emirimu gy’emitwe olwo abasobola beeyongereyo ku diguli ne dipuloma mu misomo gye baagala.

Bino biri mu kiwandiiko ky’akulira oludda oluvuganya  gavumenti mu palamenti Betty Aol ekikwata ku bbago lya bajeti egenda okusomwa  mu June 2019.

Aol agamba nti ensoma eriwo etwala obudde bungi ng’ekakatika mu bayizi endowooza za kufuna mirimu mu mawofeesi egitakyalabika ng’ekivuddemu ly’ebbula ly’emirimu.

Aol alaga nti ab’oludda oluvuganya  beenkengedde nti gavumenti eyinza obutayongoza misaala gy’abakozi baayo  mu bajeti egenda okusomwa mu June 2019 kuba ensimbi ez’okubongeza teziriimu.

Yategeezezza nti ensimbi z’okusasula abakozi ba gavumenti mu mwaka gw’ebyensimbi ogujja ziragiddwa mu bbago nti ziri obutabalika buna (4.2 trillion) ekitegeeza nti zigenda kusigala  nga  bwe zibadde mu bajeti y’omwaka guno nga tewali ssuubi lya kwongeza misaala.

More From The Author

Emboozi z’omuwandiisi endala

Emboozi endala

Hivnalubowa14webusennn 220x290

Nagaana okunziza awaka okufiira...

Nagaana okufiira ku kiggya ne nva ku b'eng'anda abaali bampaddeyo okufa ne nnoonya abanamponya era kati nze nsomesa...

Archbishopwilberforcekityoluwalirathenamirembedioceseheadrehabilitationmarathonrun2017willbeheldatthenamirembecathderalgroundsonapril2920171 220x290

Bp. Luwalira yennyamidde ku ttemu...

OMULABIRIZI ‘e Namirembe Rt. Rev. Wilberforce Kityo Luwalira awadde obubaka bw’amazuukira n’alaga okwennyamira...

Kig7 220x290

Omugagga Ham azzeemu ebibuuzo 20...

Omugagga Ham azzeemu ebibuuzo 20 ku katabo ke n'obulamu bwe.

Abamukubakulembezebekasawoababaddebeetabyemulukungaanaluno 220x290

Ab'e Kasawo bakukkuluma olw'ababasaba...

“Twetaaga okumanya ekituufu ku nsonga z’okwewandiisa oba nga ssente ziteekeddwa okusasulwa tusabe obuyambi okuva...

Kabuta2 220x290

‘Temwongeza bbeeyi ya nnyama ku...

Abatemi b'ennyama abeegattira mu kibiina kya, “Kampala Butcher Trader’s Association” (KABUTA) ekikulemberwa Sennabulya...