TOP

Aba Blood Bank balaajanidde Gavumenti

By Scovia Babirye

Added 24th January 2019

Aba Blood Bank balaajanidde Gavumenti

Red1 703x422

Dorothy Kyeyune akulira etterekero ly'omusaayi ng'annyonnyola

BAKULIRA etterekero ly’omusaayi e Nakasero balaajanidde Gavumenti okwongera ku ssente z’ebawa basobole okwewala ebbulwa ly’ebikozesebwa.

Bino byogeddwa akulira etterekero lino Dorothy Kyeyune mu lukiiko lw’abannamwulire e Nkasero n’ategeeza nti ebbula ly’ebikozesebwa mu kwekebejja omusaayi n’okugusengeka mu biyinja kye kivuddeko ebbula ly’omusaayi kuba tebasobola kugaba musaayi gutali mwekebejje.

 muwala nga yekebejja etterekero lyomusaayi Omuwala nga yekebejja etterekero ly'omusaayi

‘’Sikituufu nti omusaayi gwabuze wabula tetusobola kugaba musaayi mu malwaliro nga tetusoose kugwekebejja naye omusaayi weguli era mu sitooko tulinamu  ‘’units’’ z’omusaayi emitwalo 3 naye gwonna simwekebejje. ‘’Kyeyune bweyategeezezza .

Agamba nti bamaze emyaka etaano nga basaba Gavumenti eyongeze ku mbalirira yaabwe naye nga  tekikolebwako era kino kyekiviiriddeko n’ebbula ly’ebikozesebwa kuba ssente zebafuna zaggwawo mu myezi 6 era wano wasinzidde n’ategeeza nti betaaga  obuwumbi 32.29 buli mwaka mwaka gw'eby'ensimbi  okusobola okutambuza obulungi emirimu gyonna.

Ayongeddeko nti ebikozesebwa mu kwekebejja omusaayi byabaggwako wiiki bbiri emabega era bawandiikira minisita  w’ebyensimbi naye n’awandiikira aba National Medical Stores ng’abalagira okwewola ebikozesebwa  nti Gavumenti ejakusasula oluvannyuma.

Agamba nti omwaka guno balina ekiruubirirwa kya kukungaanya ‘’units’’ z’omusaayi emitwalo 30 naye betaaga okwongera ku bungi bw’emmotoka ezitwala abakozi mu byalo okukungaanya omusaayi, ebikozesegenda mu kukungaanya n’okwekubejja omusaayi wamu n’okwongera ku bunene bwa sitoowa awaterekerwa omusaayi.

More From The Author

Emboozi z’omuwandiisi endala

Emboozi endala

Twala3 220x290

Aba UPDF balaze ebifo bye baakasuuza...

AMAGYE ga UPDF galaze ebifo ebyali eby’omutawaana bye baakasuuza abakambwe ba Al Shabab, gye baasinziiranga okulumba...

Unity 220x290

Ab’e Buvuma batutte NFA mu kkooti...

ABATUUZE abasoba mu 300 okuva mu byalo eby’enjawulo mu ggombolola y’e Buwooya mu disitulikiti y’e Buvuma batutte...

Kalekayihuraindeepthoughts 220x290

Abaserikale batulugunya batya abantu...

AMERIKA olwatadde ekkoligo ku Kayihura, n’atandikirawo okulaajana nti: Baagala kunzita, baagala kunsaanyaawo….....

Nyiiga 220x290

Poliisi esuuzizza ababbi ente gye...

ABASERIKALE ba poliisi ennawunyi basuuzizza ababbi mmotoka y’ekika kya Ipsum nnamba UAT 194J mwe baabadde batambuliza...

Noda 220x290

Mmotoka ya Kitatta nayo eri ku...

ABDALLAH Kitatta we yabeerera omuyima wa Bodaboda 2010, alina abantu naddala aba bodaboda be yanyiiza ne be yakoleranga...