TOP
  • Home
  • Amawulire
  • Ababbi bakubidde ssentebe essimu ekiro bw’afulumye ne bamukuba akatayimbwa

Ababbi bakubidde ssentebe essimu ekiro bw’afulumye ne bamukuba akatayimbwa

By Meddie Musisi

Added 26th January 2019

SSENTEBE wa LC1 abadde yeegulidde erinnya mu kulwanyisa obubbi naddala obw’ebisolo mu kitundu ky’e Nabbaale, ababbi bamusalidde olukujjukujju ne bamuyita mu matumbibudde nga beefudde abatuuze abafunye obuzibu, olufulumye mu nju ye ne bamukuba akatayimbwa ku mutwe.

Funawo 703x422

Ssentebe Wasswa ng’ali mu ddwaaliro e Mulago. Ku kkono bw’afaanana.

Muhamad Wasswa, Ssentebe wa Gwendidde LC 1 e Kalagi mu Ggombolola y’e Nabbaale mu Disitulikiti y’e Mukono abazigu gwe baakubye akatayimbwa ku mutwe ne bamuleka nga balowooza nti bamusse mu kiro ekyakeeseza Olwokusatu.

Muto wa Wasswa, Alex Kazibwe yagambye nti, okumukuba baasoose kumukubira ssimu ku ssaawa 8:00 ez’ekiro nga beefudde abatuuze ne bamutegeeza nga bwe baabadde balumbiddwa ababbi bw’atyo n’afuluma adduukirire kyokka yabadde yakatambulako ebigere bibale ne bamukuba akatayimbwa ku mutwe.

Mukyala wa Wasswa, Jalia Tindimweba eyasangiddwa ng’amujjanjaba e Mulago yagambye nti omuntu eyakubidde bba essimu yabadde mukazi n’amusaba obuyambi nti yabadde alumbiddwa ababbi.

Tindimweba agamba nti, “Ebadde nkola ya mwami wange okufuluma buli kiro n’adduukirira ababa bamukubidde essimu nga bafunye obuzibu era ne ku mulundi guno bwe kyabadde, kyokka teyategedde nti batemu be baamukubidde” Tindimweba bwe yategeezezza ng’amaziga gamuyitamu.

Wasswa okuva lwe yatuusiddwa e Mulago yabadde tannadda ngulu wadde ng’abasawo bakola kyonna ekisoboka okutaasa obulamu bwe.

More From The Author

Emboozi z’omuwandiisi endala

Emboozi endala

Bujingo2703422 220x290

Bugingo ennyumba gye yazimbidde...

OMUSUMBA Aloysius Bugingo akudaalidde abantu ababadde balowooza nti, enju ye gaggadde gy’azimbira omugole Susan...

Lab2703422 220x290

Aba Ssebulime balangidde minisita...

FAMIRE ya Ronald Ssebulime banyiivu olwa kye baayise Minisita Nantaba okwongera okubalaata n’atuuka n’okujaguza...

Tta 220x290

Nantaba awadde Museveni amannya...

MINISTA Idah Erios Nantaba akaabidde mu kusaba mw’agambidde nti abaagala okumutta bali mu Gavumenti mwennyini era...

Lumba 220x290

Abadde afera abaagala Viza bamuyodde...

KITUUFU Kampala si bizimbe. Abantu basula bayiiya ng’ate abalala bafera bannaabwe okuba obulungi.

Kola1 220x290

Empeta za bba wa Babirye zibuzaabuza...

ABALONZI b’omubaka Paul Musoke Ssebulime owa Buikwe County North era bba w’omubaka omukazi owa Buikwe bali mu kwewuunaganya...