TOP
  • Home
  • Amawulire
  • DP esekeredde Balaam ku bya People Power: 'Omala budde bwo'

DP esekeredde Balaam ku bya People Power: 'Omala budde bwo'

By Muwanga Kakooza

Added 29th January 2019

DP esekeredde omutegesi w’ebivvulu Balaam Barugahara olw’okuwandiisa ‘People power’ ng’ekibiina ky’obwannakyewa n’egamba nti ali mu kwonoona biseera bye kuba eno ‘’ ŋŋombo bugombo’’ ng’okukiggyako tekirina kine kye kigenda kukyusa ku ndowooza za bantu.

Mwesigwa1 703x422

Omubaka wa Kyadondo East Robert Kyagulanyi amanyiddwa nga Bobi Wine y’abadde akozesa eŋŋombo ya ‘People power’ ekozesebwa  ekisinde ky’ebyobufuzi ekigezaako okusiguukulula Pulezidenti Museveni .

Aba ‘People power’ babadde bambala bimyuufu  ng’akabonero kaabwe. Kyokka Balaam , People Power yagiwandisizza ng’ekibiina ky’obwannakyewa n’ebyambalo ebimyuufu n’ebiwandiisa ng’ebibye.

Omwogezi wa Pulezidenti wa DP, Fred Mwesigwa agambye bannamawulire mu Kampala nti  ekibiina kino kiri wamu n’ekisinde kya Bobi Wine ekibadde kiyitibwa ‘People Power’ era bagenda kutegekayo akababi  mu bbanga eritali ly’ewala.

‘’Jjajja wa Bobi Wine yali wa DP. Taata wa Bobi Wine yali wa  DP era mwalaba engeri gye twamuzikamu. Muganda wa Bobi Wine , Eddie Yawe naye wa DP.

DP erina akakwate ka maanyi ne Bobi Wine wamu n’ekibadde kiyitibwa ‘People Power’ era tewali agenda kututangira kugenda mu maaso. Ebyo Balaam by’aliko ayonoona budde bwe. People Power ŋŋombo bugombo,’’  Mwesigwa bw'agambye.

Mwesigwa agambye nti Bobi Wine asobola okukozesa ekikonde.

More From The Author

Emboozi z’omuwandiisi endala

Emboozi endala

Uni 220x290

RDC ayingidde mu nsonga y'omuyizi...

OFIISI ya RDC e Kalungu ne Poliisi bawaliriziddwa okuyingira mu nsonga z'omuyizi ategeerekeseeko erya Ssembuusi...

Story 220x290

Bamukubye kalifoomu ne bamuwamba...

POLIISI y'omu Bbuto ekisangibwa e Bweyogerere mu munisipaali y'e Kira eronze omuwala Joan Nagujja (32) mu kiwonvu...

Wanika1 220x290

'Okusomesa abaana eddiini kye ky'okulwanyisa...

AKULIRA yunivasite y’Abasiraamu asabye Bannayuganda okukosomesa abaana eddiini ng’ekyokulwanyisa okumalawo ebikolobero...

Card1 220x290

Kiki ekifuna sizoni eno?

Obadde okimanyi nti ku 40,000/= osobola okutandika bizinensi ya Success Cards ne wenogera ensimbi?!

Uneb3 220x290

Ebigezo by'e Mbarara byatuukidde...

Ebigezo bya S4 ebya UCE byatuusidwa ku Poliisi y'e Mbarara nga bikuumibwa butiribiri abaserikale ba miritale...