TOP

Abasumba abazze bafuna obuzibu

By Musasi wa Bukedde

Added 10th February 2019

Abasumba abazze bafuna obuzibu

Biz2 703x422

1 Paasita Paul Muwan ‘Kiwedde’ yakwatibwa mu Zimbabwe mu 2013 nga yasangibwa yeefudde Omusaserdooti enzaalwa ye Kenya. Oluvannyuma yasibibwa mu kkomera e Mutukula gye yatoloka ate oluvannyuma n’addamu n’akwatibwa.

Mu kiseera kino Kiwedde akyali mu kkomera e Mutukula ng’awerennemba n’emisango gy’okufera. June, 2016 omuwala

2 Shamirah Nalweyiso yaloopa Bishop Patrick Makumbi ow'e Kajjansi ng’amulumiriza okumusobyako. Kyokka kkooti oluvannyuma yamwejjeereza. Omusango guno gwamala ebbanga ddene nga maama n’omwana baatuuka n’okukwatibwa nga babalanga okwogera kalebule.

3 October, 2006 Paasita David Kiganda owa Christianity Life Centre mu Kisenyi yakwatira mukazi we Hadija Nasejje mu bwenzi n’omusiisi wa capati era ne baawukana. Kiganda yawasa omukazi omulala gwe yajja mu Zimbabwe era bateredde mu bufumbo.

4 May 30, 2018 abatuuze ku kyalo Kamaliba mu disitulikiti y'e Mpigi baavaayo ne beemulugunya ku Paasita Samuel Kakande nga bw'abagobaganya ku ttaka. Kakande yatuuka n’okuyitibwa mu kakiiko k’omulamuzi Catherine Bamugemereire nga bamulumiriza okusengula abantu n’okusenga mu ntobazi.

5 Mu 2003 Paasita Imelda Namutebi yagattibwa ne bba Tom Kula agambibwa nti yali yayanjulwa dda omukyala omulala Safinah. Bino byonna tebyalobera mbaga kubeerawo era bafumbo.

6 Mu July 30, 2018 omubaka wa Palamenti era omubuulizi w'enjiri ng'ayita mu nnyimba z'eddiini Judith Babirye yayanjula mubaka munne Sebulime Musoke (Lugazi Munisipaali) ekintu abamu kye baali bawakanya olw’okuba Babirye yali yagattibwa dda ne Samuel Niiwo.

Waaliwo n’omukazi Nnaalongo eyavaayo n’ategeeza nga Sebulime bwe yali bba era ye Ssaalongo we. Kino tekyalobera mukolo kugenda mu maaso era nga gwali gwa kitiibwa

More From The Author

Emboozi z’omuwandiisi endala

Emboozi endala

Lab2 220x290

Engeri gy’olina okwewala okuferebwa...

Engeri gy’olina okwewala okuferebwa ku ttaka n’okufi irwa ebyobugagga byo

Hab1 220x290

Taata n’omwana bafudde lumu;Omu...

Taata n’omwana bafudde lumu;Omu bamuziise mu ntaana ya People power omulala mu ya NRM

Kab1 220x290

Dokita eyabuze akwasizza omusawo...

Dokita eyabuze akwasizza omusawo

Broronnie1 220x290

Bro. `Ronnie Mabakai alagudde bannabyabufuzi:...

OMUSUMBA Ronnie Mabakai owa ETM Church esangibwa ku Salama Road e Makindye ne Holy City e Bwerenga azzeemu okulagula...

Komerera4webuse 220x290

Abaana bazannye okufa kwa Yesu...

Abaana bazannya olugendo lw'okufa kwa Yesu ne beewuunyisa abantu e Masajja