TOP
  • Home
  • Amawulire
  • Engeri gy’ogunjula omwana nga tokozesezza bukambwe

Engeri gy’ogunjula omwana nga tokozesezza bukambwe

By Musasi wa Bukedde

Added 10th February 2019

Engeri gy’ogunjula omwana nga tokozesezza bukambwe

Jip1 703x422

ABAZADDE abamu balowooza nti, okugunjula omwana n’okumukuliza mu mpisa ate nga mukozi olina kukozesa bukambwe. Wabula ate bw’ogenderera abaana abakuziddwa mu bukambwe batera okwonooneka kubanga bagenda okwesanga ng’ebintu ebimu babiraba bukulu n’ekibavirako okubyetabamu ennyo.

Abakugu bakulaga engeri gy’osobola okugunjula omwana nga tokozesezza bukambwe. Yasin Ssewankambo, abudaabuda abaana n’amaka okuva mu CAN Africa e Najjanankumbi akulaga by’osobola okukola:

1 Okumukuliza mu ddiini: Omwana bw’akula ng’atya Katonda abeera mugunjufu kubanga eddiini eyigiriza empisa mu kino ng’etangira ebintu ebimu omwana by’atalina kukola n’okumuteekamu amagezi kubanga waliwo n’enjogera egamba nti, mu kutya Mukama amagezi mwe gasookera.

2 Okubeera eky’okulabirako: Kibeera kirungi omuzadde okweyisa mu ngeri ennungi omwana n’amulabirako olwo ne yeewala okukola obukyamu obuvaako okumukambuwalira.

3 Okumuwa obulabo: Kiba kirungi buli omwana lw’akola ekintu ekirungi ne weefi iriza n’omuwaayo ekirabo ne bwe kibeera kitono oba n’omusiima mu ngeri ennungi. Kino kimwongera okukola obulungi buli kiseera ng’asuubira okufuna ebirungi ebisingawo.

4 Okumubuulirira: Okubuulirira omwana kimuyamba okumuteekamu empisa n’okumutereeza mu by’akoze ebikyamu. Noolwekyo omwana ssinga asobya, mu kifo ky’okumukambuwalira omuzaana asana n’afuna obudde n’amutuuza n’ayogera naye ku ngeri gy’alina okweyisaamu.

5 Okusomesa omwana okwetuma: Yigiriza omwana okwetuma okukola. Kino kiyamba okukendeeza ku nnyombo wakati w’omuzadde n’omwana ezivaako obukambwe.

6 Okumuyigiriza okukola emikwano: Mu buli mbeera, abeemikwano n’eng’anda beetaagisa mu bulamu bw’omuntu, noolwekyo omuzadde yigiriza omwana wo okukola emikwano egizimba kuba nagyo agiyigirako empisa n’alema okukola obubi obuvaako omuzadde okukambuwala.

7 Obuteeraliikirira: Buli muzadde bw’abeera yeeraliikirira eri omwana ayinza okumuteekako obukambwe ate n’akola ensobi. Buli muzadde alina oluusi okuleka omwana n’akola ekikye n’atamweraliikirira ekivaako okwonooneka.

8 Okulaga omwana kyalina okyenyumirizaamu: Omwana tasobola kubeera na mukwano nga tomulaze ky’alina kukola era wano tasobola kwagala banne nga tokimulaze.

Kibeera kirungi n’olaga omwana omukwano naye n’ayiga okweyagala era n’omulaga nti ky’alina okyenyumirizaamu ne kimuyamba okubeera mu bulamu obulungi n’obutayonoona kukutuusa kumukambuwalira.

Abato nabo balaze abazadde kye basobola okukola okubagunjula nga tebabakambuwalidde:

More From The Author

Emboozi z’omuwandiisi endala

Emboozi endala

Zina 220x290

Rev. Ssempangi waakuddamu okuggya...

Rev. Dr. Keefa Ssempangi eyalabiriranga abaana b’oku nguudo, ng’ayambibwako abamu ku baana be yayamba, ali mu nteekateeka...

Tulu 220x290

Mwegendereze siriimu akyaliwo -Minisita...

MINISITA w’obulimi, obulunzi n’obuvubi Vincent Ssempijja ajjukizza abavubuka nti siriimu akyaliwo akyegiriisa n’abasaba...

Pala 220x290

‘Kirungi okuyamba abali mu bwetaavu’...

BANNADDIINI okuva mu kigo kya Blessed Sacrament Kimaanya mu ssaza ly’e Masaka badduukiridde abakadde abatalina...

Batya1 220x290

‘Mufe ku mitima so si nnyambala’...

ABAKRISTU b’e Lukaya mu disitulikiti y’e Kalunguku Lwomukaaga baasuze mu Klezia nga batenderezza Katonda mu Mmisa...

Papa 220x290

Obukadde 600 nakozesaako 70 endala...

Town Clerk w’Eggombolola y’e Gombe, Sulaiman Kassim asobeddwa mu lukiiko RDC w’e Wakiso, Nnaalongo Rose Kirabira...