TOP
  • Home
  • Amawulire
  • Babbulooka batutte Yanga mu kkooti nga bamubanja ddoola 80,000

Babbulooka batutte Yanga mu kkooti nga bamubanja ddoola 80,000

By Musasi wa Bukedde

Added 11th February 2019

Babbulooka batutte Yanga mu kkooti nga bamubanja ddoola 80,000

Mat2 703x422

OMUGAGGA Mansur Matovu amanyidwa nga Yanga atabuse ne babbulooka abatunda ettaka n’amayumba ne bamutwala mu kkooti nga baagala bamuyimirize okugenda mu maaso n’okukulaakulanya ettaka erisangibwa ku poloti 2 ku luguudo lw’e Namirembe awaali essundirio lya Total nga bagamba nti bamubanja ddoola 82,500 (305,250,000/-) Bakkaanya okubawa ddoola 1,500,000 okugula ekifo kino kyokka n’abawaako ddoola 1,427,500 nga kati bamubanja ddoola 82, 500, okusinziira ku Yanga.

Nga bayita mu bannamateeka baabwe aba Crane Associated Advocates baasabye kkooti eyimirize Yanga ne kkampuni ya DL Property Limited okugenda mu maaso n’okukolera ku ttaka lino okutuusa nga babasasudde ssente ze bakkaanya.

Yanga yagambye nti ettaka yaliggula ddoola 7,000,000 nga nabo yalina okubasasula ddoola 1,500,000 kyokka nga kulina okubaako ssente z’omusolo gw’okugula n’okukola ku mpapula okulaba ng’ebiwandiiko byonna babizza mu mannya ge.

N’agamba nti ssente babbulooka ze babanja ze zaalina okukola ku misoso gino gyonna. N’agamba nti bwe yazuula nga bayinza obutasasula musolo yasalawo okusigaza ssente zino asobole okusasula omusolo n’ebiwandiiko kyonna nga wano we waavudde olutalo ne batuuka n’okumutwala mu kkooti.

Yagambye nti tajja kubawa wadde ennusu okuva bw’atalina kyababanja kubanga ssente ze babanja zirina kugenda mu Gavumenti era gy’agenda okuzitwala. Yabasabye basse omukono ku kiwandiiko ekimusobozesa okusasula ssente zino okusinga okugenda mu kkooti ne bamuwawaabira.

N’agamba nti tayinza kukola nsobi kubawa ssente kubanga bwe wabaawo ekitatambudde bulungi yajja okufiirwa ssente ennyingi nga bo tebalina kye bajja kufiirwa nga babbulooka

More From The Author

Emboozi z’omuwandiisi endala

Emboozi endala

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...

Magaya 220x290

Abawala 98 banunuddwa ku babadde...

ABEEBYOKWERINDA banunudde abawala 98 ababadde bakukusibwa okutwalibwa mu nsi za bawalabu okukuba ekyeyo.