TOP

Abazadde balemesezza abasomesa okukyusibwa

By Musasi wa Bukedde

Added 11th February 2019

Abazadde balemesezza abasomesa okukyusibwa

Kab3 703x422

ABAZADDE n’abaasomerako ku Spire Road Primary School e Jinja bazinzeeko heedimasita mu lukiiko lw’abasomesa lw’abadde atuuzizza ne bamuwambako ebbaluwa ezibadde zikyusa abasomesa 10.

Bano olubatemezzaako nti heedimasita, Mike Mutove Mwoya abadde aliko abasomesa b’abadde agenda okukwasa ebbaluwa zaabwe mu butongole ezaabaweerezeddwa town clerk, Jofram Waidhuba, nabo ne bayingirawo. Olutuuse baagenze butereevu mu ‘staffroom’ awaabadde olukiiko ne bamuwambako fayiro y’amabaluwa gonna nga tannagakwasa basomesa bano.

Wabula ne polisi yayingiddewo mu bwangu n’ebalemesa okwonoona ebizimbe n’okutuusa ku heedimasita obulabe.Bano baategeezezza nti abasomesa abasinga b’ayagala okukyusa ba bibiina bya waggulu ekiyinza okukosa abaana.

Ababadde ab’okukyusibwa kuliko; Paul Kasoigo, Edward Bakwera Senyende, Immaculate Kayanga, Samuel Mukisa, Ruth Nakato, Godfrey Mwima, Grace Musooko, Barbra Mukungu, Sarah Balikweya Kaudha ne Rose Adiolo.

Abazadde baagambye nti tebalwanyisa kukyusa basomesa nti naye omuwendo gw’abo ab’ebibiina ebya waggulu gwe gwabaggye mu mbeera kubanga bangi era kijja kukosa ensoma y’abayizi.

Atwala ebyenjigiriza mu munisipali y’e Jinja, Amina Mutesi yategeezezza nti enteekateeka y’okukyusa abasomesa teyabadde ku ssomero lino lyokka wabula mu masomero ag’enjawulo mu kitundu kino.

Yabasabye bakkirize enkyukakyuka kubanga za bulijjo mu bakozi ba gavumenti. Wabula amyuka Omubaka wa gavumenti e Jinja, Abel Bakunda yabiyingiddemu n’ayimiriza abasomesa bano okukyusibwa okutuusa nga bamaze okunoonyereza ku kyaleeseewo okwekalakaasa

More From The Author

Emboozi z’omuwandiisi endala

Emboozi endala

Fire1 220x290

Obubenje bwatuze 32 mu wiikendi...

OMUWENDO gw’abantu abaafi­iridde mu bubenje obwaguddewo ku Ssande gulinnye nga baweze 32.

Aniteweb 220x290

Bamafia baagala kunzita - Anite...

MINISTA omubeezi avunaanyizibwa ku bamusiga nsimbi, Evelyn Anite avuddeyo n’alaajana ku bamafia abaagala okumutta,...

Isabirye1 220x290

Mzee Kifansalira owa NRM bamugoba...

KAKUYEGE wa NRM mu Bwaise, Isabirye Musa amanyiddwa nga “Kifansalira” asula ku tebuukye olwa landiroodi we okumulaalika...

Urawebnew 220x290

URA emalidde mu kyakutaano mu za...

URA FC ewangudde Wakiso Giants mu mpaka za Pilsner Super 8

Mustafi000 220x290

Mustafi wa Arsenal agenda

Roma eya Yitale, ye yagala okumuggya mu Arsenal