TOP
  • Home
  • Amawulire
  • Eb'y'empaka z'obubina bituuse mu Palamenti: Kiwanda afunye obuwagizi

Eb'y'empaka z'obubina bituuse mu Palamenti: Kiwanda afunye obuwagizi

By Muwanga Kakooza

Added 12th February 2019

MINISITA Godfrey Kiwanda ayongedde okufuna embavu ku by’okutegeka empaka z’abakazi ab’obubina obunene omu ku babaka bw’asinzidde mu palamenti n’aziwagira ng’agamba nti okuzivumirira kwenkana n’okusosola abakazi abanene.

Panta1 703x422

MINISITA Godfrey Kiwanda ayongedde okufuna embavu ku by’okutegeka empaka z’abakazi ab’obubina obunene omu ku babaka bw’asinzidde mu palamenti n’aziwagira ng’agamba nti okuzivumirira kwenkana n’okusosola abakazi abanene.

‘’ Simanyi lwaki waliwo okusika omuguwa kunene ku by’okutegeka empaka z’abakazi abanene (eza Miss Curvy). Okuvumirira empaka zino kyenkana n’okusosola abakazi abanene. Lwaki musosola abakazi abanene!. Bwe tuba ba kuwera mpaka za bwanalulungi tuwere empaka zonna ez’abanene n’ez’abatono’’ omubaka w’esaza ly’e Kasiro e Soroti  Elijah  Okupa bwe yategeezezza.

Yabadde ayogerera mu palamenti eyakubiriziddwa omumyuka wa sipiika Jacoub Oulanya era okwogera bino yabadde ayanukula munne omubaka omukazi  owa disitulikiti y’e Budaka, Pamela Kamugo,eyaasituse okwogera ku nsonga enkulu eziri mu ggwanga ne yebuuza ekitaamudde minisita Kiwanda okuwagira empaka zino.

Kyokka okwongera okukubaganya ebirowoozo ku nsonga eno tekwabaddewo. Bukyanga minisita Kiwanda awagira aba kkampuni  egenda okutegeka empaka zino eya Miss Curvy ng’agamba nti kigenda kwongera okutumbula eby’obulambuzi wabaddewo okusika omuguwa wakati w’abantu  abaziwagira n’abataziwakanya.

Abaziwakanya abamu babadde bannaddiini okuli ne Ssabalabirizi w’Ekkanisa ya Uganda, Stanley Ntagali, abamu ku babaka ba palamenti kyokka nga kino babadde bakolera bweru wa palamenti n’abantu abalala  abagamba nti balumirirwa kitiibwa ky’abakyala.

Abetegesi b’empaka zino babadde bakyogera nti guno ssi gwe mulundi ogusoose okuzitegeka era tezirina njawulo nnene wakati wazo n’ez’obwanalulungi okuggyako okugamba nti zino za bakazi banene ate ez’obwanalulungi ezibaddewo  zeetaabwamu bakazi ba sayizi ntono.

Abawakanya Kiwanda abamu bamugambye azisazeemu yetonde n’abalala ne bamugamba alekulire. Kyokka Kiwanda yawagiddwa  mukama we minsita omujjuvu Ephrahim Kamuntu eyagambye nti  buli muntu alina okweyambisa ky’alina okutumbula eby’obulambuzi bya Uganda.

N’agamba nti empaka za babubina bunene abatabulina eby’okuzeetabamu babiveeko bazirekere abalina kye balagawo. Pulezidenti Museveni naye yewunyizza enjawulo eri wakati w’empaka z’obwanalulungi ezibeeramu abakazi abatono Quin Abenakyo ze yawangula mu Uganda ne Africa Bannayuganda ne bamuyozayoza n’empaka z’abakazi abanene ye be yayise ba ‘’nabitege’’.

 ‘’ Oba tukiriza empaka z’abanalulungi (aba sayizi entono) ate olwo ez’abakazi abanene (ba nabitegeke ?” Museveni bwe yabuuzizza. Naye n’agamba nti abategeka empaka z’abakazi abanene basaanye ababavumirira boogere nabo bulungi bawulire ebirowoozo byabwe mu kifo ky’okubavumirira.

More From The Author

Emboozi z’omuwandiisi endala

Emboozi endala

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...

Magaya 220x290

Abawala 98 banunuddwa ku babadde...

ABEEBYOKWERINDA banunudde abawala 98 ababadde bakukusibwa okutwalibwa mu nsi za bawalabu okukuba ekyeyo.