TOP
  • Home
  • Amawulire
  • Omubaka Allan Ssewanyana agguddwaako emisango ebiri

Omubaka Allan Ssewanyana agguddwaako emisango ebiri

By Musasi wa Bukedde

Added 21st February 2019

Omubaka wa Makindye west, Allan Ssewanyana ayimbuddwa ku kakalu ka poliisi e Naggalama gy’amaze ebiro bibiri ng’aggaliddwa. Poliisi yamugguddeko emisango ebiri okuli; okukuma mu bantu omuliro n’okukuba olukuhhaana olutali mu mateeka.

Sewanyanangaafulumapoliisienaggalama 703x422

Ssewannyana ng'afuluma ekkomera e Naggalama: Ekif: AMON MUKASA

Omwogezi wa poliisi mu Kampala n’emiriraano, Patrick Onyango yategeezezza nti, Ssewanyana okuyimbulwa eggulo ku kakalu ka poliisi tekitegeeza kumuggyako misango wabula baakikoze kubanga essaawa 48 omusibe z’ateekeddwa okumala mu kaduukulu ka poliisi zaaweddeko eggulo.

“Tumuyimbudde ku kakalu ka poliisi, naye tekitegeeza nti takyalina musango, tusuubira okumutwala mu kkooti amangu ddala nga fayiro ye ewedde bulungi,” Onyango bwe yategeezezza.

Onyango yagambye nti, okulwawo okutwala omubaka Ssewanyana mu kkooti kyavudde ku kubeera nti baasoose ne baweereza fayiro ye ew’omuwaabi wa gavumenti kyokka n’agibaddiza ng’aliko ebintu ebikulu bye yabawabuddemu okugitereeza nga tebannamutwala mu kkooti.

Bbo abooluganda lwa Ssewanyana n’abawagizi be, eggulo bazzeemu okukonkomalira ku kkooti e Makindye gye baakedde nga basuubira poliisi okumutwalayo kyokka zzabadde ziwera ssaawa 8:00 ez’olweggulo ne bategeezebwa nti yabadde ayimbuddwa ku kakalu ka poliisi.

Ssewanyana yategeezezza amangu ddala nga yaakayimbulwa nti, eky’okumusiba tekigenda kumuggya ku mulamwa gw’aliko ogw’okwogera ku bintu by’alowooza nti by’ebiruma abantu b’akiikirira mu palamenti.

Ssewanyana yakwatibwa poliisi ku Mmande bwe yagenda ku ddwaaliro ly’e Kiruddu n’agezaako okulisibako kkufulu ng’agamba nti, embeera gye lirimu egenda kulwaza abantu.

More From The Author

Emboozi z’omuwandiisi endala

Emboozi endala

Tta 220x290

Eyatta owa bodaboda akkirizza okutuga...

Poliisi: Okimanyi nti obadde onoonyezebwa? Omusibe: Nkimanyi, kubanga akatambi akaatuleetera obuzibu nange nakalabako...

Pastorbugingo2703422350250 220x290

Bugingo asekeredde abaamututte...

Bugingo yasinzidde mu kusaba kw’omu ttuntu n’ategeeza nti tewali agenda kumugaana kwogera. Era ye talina muntu...

Abasumba 220x290

Abasumba bye baatudde ne basalawo...

ABASUMBA abakulira abalokole mu Uganda batudde ne bateesa ku nsonga za Paasita Aloysius Bugingo. Olukiiko lwakubiriziddwa...

Dpp 220x290

Omuwaabi wa Gavt. awadde ebiragiro...

OMUWAABI wa Gavumenti omukulu Mike Chibita asiimye okunoonyereza okwakoleddwa ttiimu ya Vision Group omuli ne Bukedde...

Teddybugingoaloysius 220x290

Enkambi ya Teddy evuddeyo ku by'obugagga...

ENKAMBI ya mukyala wa Bugingo ow’empeta Teddy Naluswa Bugingo etangaazizza nti, Teddy takkaanyangako kugabana byabugagga...