TOP

Abaakosebwa omugga Mayanja bayise ebya S6

By Peter Ssaava peter ssaava

Added 28th February 2019

Abayizi bano ababadde basomera mu Mende Kalema Memorial School mu disitulikiti y’e Wakiso baakosebwa omugga Mayanja mu November omwaka oguwedde mu kiseera we baakolera ebibuuzo.

Webmendekalemamemorialschool2 703x422

abamu ku bayizi ba Mende -Kalema Memorial School abaakoze obulungi

ABAYIZI abaakosebwa omugga Mayanja mu disitulikiti y’e Wakiso bayise ebibuuzo bya S6 ne beebaza Katonda olw’okubatuusa ku kyengera kino.

Abayizi bano ababadde basomera mu Mende Kalema Memorial School mu disitulikiti y’e Wakiso baakosebwa omugga Mayanja mu November omwaka oguwedde mu kiseera we baakolera ebibuuzo.

Omugga Mayanja gwawaguza ne gusalamu ekkubo abayizi ne balemererwa okutuuka ku ssomero.

Shamirah Nabbanja omu ku bayizi abaayise obulungi yategezezza nti baasanga obuzibu okutuuka ku ssomero okukola ebibuuzo olw’ekkubo lye baali bakozesa okutuuka mu budde amazzi bwe gaali galizibye.

Yategeezezza nti baakozesa amakubo g’omu byalo ewala nga baasimbulanga ku ssaawa 10:00 ng’obudde bukya ne batambula okugenda ku ssomero basobole okutuuka mu budde bwe balina okukoleramu ebibuuzo.

Kyokka baatuukanga bakooye naye kino tekyabalobedde kukola bulungi.

Baategeezezza nti baakola ebibuuzo mu nnaku kubanga abamu baafiirwa abantu baabwe abaatwalibwa amazzi wabula beebaza Katonda eyabasobozesezza okukola obulungi.

Avunaanyizibwa ku byenjigiriza ku ssomero lino, Ggayi Musa yategeezezza nti baatuuza abayizi 38 era bonna baayise bulungi.

Abamu ku bayizi abaayise ye; Justine Nakiyingi eyafunye 14 mu GEL/sub Maths , Shamirah Nabbanja eyafunye 14 mu BCM/ICT, Sandra Nabaleke eyafunye 10 mu DEG/sub Maths ne Richard Kiyingi eyafunye 13 mu BCM/ICT.

More From The Author

Emboozi z’omuwandiisi endala

Emboozi endala

Ras13 220x290

Laba ekyabadde ku kisaawe e Bugembe...

Laba ekyabadde ku kisaawe e Bugembe Bebe Cool n'abakungu ba ministry ya Health gye baamaze olunaku lulamba nga...

Sat13 220x290

Pass PLE addamu mu February

Pass PLE addamu mu February

Soz1 220x290

UNEB eraze ebintu 7 ebyasudde aba...

UNEB eraze ebintu 7 ebyasudde aba P7 ebyetaaga okukolako

Dit1 220x290

Obugagga bwange buli mu mbizzi...

Obugagga bwange buli mu mbizzi

Gat1 220x290

Owa LDU akubye omuntu essasi mu...

Owa LDU akubye omuntu essasi mu kumukwata