TOP
  • Home
  • Amawulire
  • Abasuubuzi batiisizza okuwaabira Gavumenti olw'obutabafaako nga Drake Lubega abasaba ssente ezitakkirizika

Abasuubuzi batiisizza okuwaabira Gavumenti olw'obutabafaako nga Drake Lubega abasaba ssente ezitakkirizika

By Moses Kigongo

Added 5th March 2019

Abasuubuzi batiisizza okuwaabira Gavumenti olw'obutabafaako nga Drake Lubega abasaba ssente ezitakkirizika

Lip2 703x422

ABASUUBUZI batiisizza okuwawabira gavumenti mu kooti singa teveeyo kunsonga z’ omugagga Drake Lubega ayagala okubasasuza ssente ze mirundi ebiri ku kizimbe kya Qualicel Bus Terminal.

Mu ntekateeka eno(eyokuwawabira gavumenti) abasuubuzi era bakanyiza n’okuwawabira Drake Lubega gwe balumiriza okubasaba ssente ezitali mu mateeka ng’ayita mu kubatisatiisa n’okwagala okubasibirawo amaduuka gabwe.

Bino byabituukiddeko mu lukiiko olw’ebbugumu olwatudde ku kizimbe kya Tripple 888 ku Mande akawungeezi n’ekigendererwa ky’okutegeeza ebitongole byokwerinda ebyakiikiridwa Ronald Wotwali (akulira Poliisi ya CPS) kungeri  entuufu gye bagenda okukwatamu ensonga z’okuwakanya ebiragiro bya Drake Lubega omuli; ekyokubasasuza ssente z’obupangisa ez’emirundi ebiri nga bayita mu kwekalakasa okw’emirembe wamu n’okutema  empenda ku kinaddako singa gavumenti enebeera tevudeyo kumukomako mu bwangu.

Era wano abasuubuzi we bakanyiriza okusookera ku kyokutwala gavumenti mu kooti olwa kye bayise okuwa abagagga okuli Drake Lubega,Mansur Matovu Yanga n’omugenzi Charles Muhang obukuumi okuli Poliisi ne Miltary ng’ate balumirizibwa okubanyagako ensimbi zabwe mu lukujukujju nga bayita mu kubasasuza ssente z’obupangisa n’okwewandiisa ku bizimbe byabwe buli mulundi lwe wabadengawo okuwamba n’okukyuusa obukulembeze bwayo.

“Tutandise entekateeka y’okuwawabira gavumenti mu kooti olw’okwesulrayo ogwanagamba ng’abasuubuzi banyigirizibwa mu kifo kya Qualicel kubanga yemu eyawerekera ekiwayi kya Muhangi ng’eri n’ebitongole byayo ebyokwerinda okuli; poliisi n’amagye okugenda mu kifo kino okukyeddiza ate kati yemu era eyawerekedde n’ekya  Drake Lubega nga yeyambisa ebitongole bye bimu okuddamu okukimuwambako”,bwatyo Hussein Kato akulira ekibiina ky’abasuubuzi abakolera mu akeedi z’omu Kampala ekya KAAFO bwe yategeezeza wakati mu busungu ng’ali mu lukiiko luno.

Mu lukiiko lwe lumu abasuubuzi bakanyiza ku kyobutaggalawo madduuka gabwe nga bagamba nti kabaleke Drake yennyini agabaggalirewo ng’agezaako okubakka okumusasula ssente ezimenya amateeka balyoke bamulageko nga bayita mu kumenya kufulu ze oba enjegere zanabeera agataddeko.

More From The Author

Emboozi z’omuwandiisi endala

Emboozi endala

59148f0c79e3455bb2de95a2f1b5a89d 220x290

Ogwa Bajjo okunyiiza Museveni gugobeddwa...

Omulamuzi wa kkooti ya Buganda Road Stella Amabirisi agobye omusango ogubadde guvunaanwa omutegesi w'ebivvulu Andrew...

Top33 220x290

Aba FMU batongozza ez'oku ssande...

Aba FMU batongozza ez'oku ssande

Babe 220x290

Eyannimba okuba omuserikale anneefuulidde....

Nsobeddwa oluvannyuma lw’omusajja eyannimba nti muserikale wa tulafiki ku poliisi y’e Kanyanya okunfunyisa olubuto...

Funa 220x290

Mayinja ayogedde ku by'okufuna...

Mayinja bwe yatuukiriddwa yasoose kusambajja bimwogerwako nti yafuna ssente okulwanyisa People Power era n’ategeeza...

Dav11 220x290

Minisita w'ebyemizannyo asanyukidde...

Minisita w'ebyemizannyo asanyukidde abazadde abatatuulira bitone by'abaana