TOP
  • Home
  • Amawulire
  • Philo Mwesigwa akulaze engeri gy'oyinza okweggya mu bwavu

Philo Mwesigwa akulaze engeri gy'oyinza okweggya mu bwavu

By Martin Ndijjo

Added 5th March 2019

Philo Mwesigwa akulaze engeri gy'oyinza okweggya mu bwavu

Fut1 703x422

Philo Mwesigwa ng'annyonnyola

PHILO Mwesigwa (Philip Mwesigwa Lutaaya) eyeegulidde erinnya mu kusomesa, okubuulira n’okuzzaamu abantu essuubi naddala abo ababeera beekyaye (Motivation & Inspiration Speaker) abuuliridde bakozi banne aba Bukedde famire ku mbeera abakozi mu bitongole eby’enjawulo gye bayitamu etuuse n’okubakyaya emirimu gyabwe.

Philo agamba nti abakozi abamu beesulubabba ku mirimu ne bakola ng’abatayagala mirimu gyabwe ne batamanya nti omulimu kintu kikulu nga ssinga gubeera guvuddewo bayinza okukaaba amaziga oba okwekyawa.

Yagambye nti embeera naddala ey’ebyenfuna eyeeyongedde okukaluba etuusiza abakozi abamu ku mirimu okwekyawa n’okuggwamu amaanyi nga kati bakozesa ebigambo omuli :Obusente bwe batuwa tebumala, nze n’ebintu bya wano byantama, tuli bakoowu, kkampuni eno si ya taata wo.

Bakozi banne aba Bukedde famire yabakubirizza obutaggwaamu ssuubi okutuuka ku mbeera y’okwetamwa emirimu gye bakola wabula baagale nnyo omulimu gwabwe n’okukola n’amaanyi okusinga okwejjusa nga bakugobye ku mulimu.

Yabakubirizza okubeera abatetenkanya nga batereka ku ssente ze bakola basobole okwezimba n’okugatta ku mirimu gye bakola oba okwetegekera obulamu obuyinza okuddako ng’ofi iriddwa omulimu gwo.

Yabagambye nti basobola okutereka ku ssente nga baziggya ku musaala gwe bafuna nga kino yagambye nti osobola okukikola buli lunaku, ku nkomerero y’omwezi oba ebbanga eggere.

Yabawadde eky’okulabirako nti ye mu emyaka 10 gy’amaze mu kkampuni yatandikawo enkola y’okutereka ekitono nnyo; 500/- buli lunaku nga zino aziteeka mu bidomola awaka.

Mwesigwa alagibwa ku Bukedde TV1 ku Lwokutaano ku ssaawa 10:30 ez’olweggulo ne ku Lwomukaaga 8:00 ez’emisana ne ku Ssande ssaawa 9:00, agamba nti obumu ku ‘bulwadde’ obusinga okuluma Bannayuganda kuggwaamu ssuubi era kino kye kimuleetedde okuvaayo okutandika okukola omulimu gw’okuzzaamu abantu essuubi n’amaanyi

More From The Author

Emboozi z’omuwandiisi endala

Emboozi endala

Kibowa13webuse 220x290

Abakyala mwekolemu ebibiina mufune...

Abakyala b'e Mukono bakubiriziddwa okwekolamu ebibiina bafune ku ssente za Gavumenti ezitaliiko magoba n'okuwagira...

Acaya1webuse 220x290

Omuyizi akoze mmotoka ne yeewuunyisa...

Omuyizi Francis Ocaya akoze mmotoka ne yeewuunyisa Ababaka ba Palamenti ne bamusuubiza omulimu

Abamukubamusigansimbiabataddemuensimbiokuzimbazikabuyonjongabawayaamunabamukubaanawebuse 220x290

Temusimbira nkulaakulana kkuuli...

Abagirimaani bazimbidde essomero ly'e Ntenjeru kaabuyonjo ey'omulembe

Omulyangogwambabaziogwateeredwaakoebyokoolawebuse 220x290

Ebigambibwa okuba ebyokoola bisasamazza...

Omusaayi ogumansiddwa ku luggi lw'omutuuze nga kuliko ebbaluwa etiisatiisa okufa okumusemberedde bisattizza ab'e...

Abolukiikolwamukonodevelopmentforummdfngabatandiseokukolaemirimugyabwe 220x290

Olukiiko oluyamba Mmeeya okukulaakulanya...

Olukiiko olw'okuyambako Mmeeya w'e Mukono okukulaakulanya ekibuga lusomeseddwa ku nkola y'emirimu gyalwo