TOP

Sitampu enjingirire zikwasizza omumyuka wa ssentebe

By Moses Lemisa

Added 7th March 2019

Isma Nsanja omumyuka wa ssentebe wa Ssebina zooni mu muluka gwa Makerere III n’omuwandiisi Hiraly Natuha bakwatiddwa lwa sitampu njingirire

Nsanjangasobeddwa2 703x422

Nsanja ng'atwalibwa abitebye ebya sitampu enjingirire ze bamulumiriza. Yabyegaanye.

Bya MOSES LEMISA

 

Isma Nsanja omumyuka wa ssentebe wa Ssebina zooni mu muluka gwa Makerere III e Kawempe n’omuwandiisi Hiraly Natuha bakwatiddwa oluvannyuma lwa ofiisi ya RCC wa Kawempe Deborah Nabukenya okufuna okwemulugunya nti balina kye bamanyi ku sitampu enjingirire ezikubwa ku  biwandiiko by’abantu.

 

Bano okukwatibwa kivudde ku bantu okuli Shafik Mutebi, Enock Daka, Livingstone Muyanja ne Shamim Namutebi ab’omu Ssebina zooni okubakwata n’ebipapula by’okufuna densite nga kuliko sitampu ya DISO ey’ekicupuli. Baakulembeddemu abaserikale ne bakwata Nsanja n’omuwandiisi Natuha.

 

Muyanja omu ku balumiriza Nsanja yategeezezza nti bwe baagenze mu ofiisi ya LC mu Ssebina zooni, Nsanja yabasabye 20,000/- buli omu n’abasuubiza nti empapula agenda kuzibatwalira ewa DISO azikubeko sitampu ng’era bbo baabadde tebamanyi nti sitampu njingirire. Ate Shamim Namutebi yagambye baamuggyeeko 50,000/-.

 

“Nze sirina sitampu njingirire naye abazirina kuliko Lukundo ne Mpanga amanyiddwa nga kiviiri. Be basaba abantu ssente okubakubira ku biwandiiko byabwe sitampu. Mpozzi omusango gwe nnina ng’omukulembeze butabaloopa mu boobuyinza, kale nsaba kisonyiwo.” Nsanja bwe yeewozezzaako.

   

Ssentebe wa Ssebina zooni Jafaali Ssengendo yategeezezza Bukedde ku ssimu nti abadde takimanyiiko nti omumyuka we alina sitampu enjingirire nga kyamukubye wala okuwulira nti abaserikale bamukutte.

More From The Author

Emboozi z’omuwandiisi endala

Emboozi endala

Omusumba Kiganda avuddeyo ku bya...

OMUSUMBA David Kiganda owa Christian Focus Centre anenyezza gavumenti okusirika obusirisi netebaako ky’ekola ku...

Abazirwanakonabengandazaabwengabakwasaabamagyeempapulazaabwewebuse 220x290

Abadduka mu magye temugenda kusiimibwa...

Abaazirwanako baakusekera mu kikonde oluvannyuma lw'okuwandiisibwa mu ngeri gye bagambye nti ebawadde essuubi okulyaku...

Carbond0023scmyk7034221 220x290

Gav't ereese etteeka eriwera okutunda...

GAVUMENTI ereese etteeka erigenda okuwera okuleeta muno emmottoka enkadde.

Leka 220x290

Omuyizi eyafiiridde mu kidiba kya...

ENGERI omuyizi wa Perfect Primary School e Kulambiro gye yafiiridde mu kidiba omuwugirwa ekya Kiwaatule Recreation...

Fbimg15631781511232 220x290

Buubuno obukwakkulizo Bobi Wine...

OBUKWAKKULIZO Bobi Winebw’atadde ku Chameleone bwaddiridde enkiiko ez’enjawulo aba People Power ze baatuuzizza...