TOP
  • Home
  • Amawulire
  • Obutamanya Kompyuta kulemesezza abakulembeze okulangirira eby'obuggagga bwabwe - Lokodo

Obutamanya Kompyuta kulemesezza abakulembeze okulangirira eby'obuggagga bwabwe - Lokodo

By Muwanga Kakooza

Added 14th March 2019

MINISITA w’okukwasisa empisa Faaza Simon Lokodo agambye nti abantu abali mu bifo by’obukulembeze n’abakozi ba gavumenti obutamanya kukozesa kompyuta kye kibalemesezza okulangirira eby’obuggagga bwabwe.

Frsimonlokodo 703x422

Faaza Simon Lokodo

Etteeka liragira abali mu bifo by’obukulembeze mu gavumenti okulangirira eby’obuggagga bwaabwe eri kaliisoliiso wa gavumenti buli mwaka, kyokka Lokodo agamba nti obutamanya kukozesa kompyuta kireese akabaate.

‘’Abakulembeze abamu tebalina e mail ezeetagisa okukozesa okulangirira eby’obugagga bwabwe eri kaliisoliiso wa gavumenti Lokodo’’ bwe yagambye.

 Yagambye nti amateeka amapya ku kulangirira eby’obuggagga geetagisa abakikola okulaga endaga muntu yabwe,n’ennamba kwe basasulira omusolo (TIN). Lokodo bino yabyogedde ali mu disitulikiti y’e Mororo ng’atongoza enkola y’abakozi ba gavumenti n’abali mu bifo by’obukulembeze okulangirira eby’obuggagga bwabwe eri Kaliisoliiso wa gavumenti nga beeyambisa kompyuta. Era yakubiriza abakulembeze okuyiga kompyuta.

Yagambye nti ofiisi ya Kaliisoliiso wa gavumenti etandise kawefube w’okulaba ng’ebifo omubeera kompyuta bibunyisibwa mu byalo. Lokodo yakubirizza abali mu bifo by’obukulembeze okulangirira eby’obuggagga bwabwe ka bibe mu mannya gaabwe, g’abalala oba g’amakkampuni gaabwe.

Yalabudde nti okulangirira eby’obuggagga okw’obulimba kirina ebibonerezo. Yasabye abantu okulwanyisa obuli bw’enguzi n’okukozesa obubi ebintu bya gavumenti.

Omumyuka w’akulira ofiisi ya kaliisoliiso wa gavumenti, George Bamugemereire, yagambye nti pulojekiti za gavumenti abantu balemwa okuzifunamu olw’okuba abakulembeze balemererwa okuzirondoola.

More From The Author

Emboozi z’omuwandiisi endala

Emboozi endala

Lib2 220x290

Ab'omukago gwa IPOD bateekateeka...

Ab'omukago gwa IPOD bateekateeka kutwala ssabawolereza wa Gavumenti mu kkooti

Web 220x290

Nnaalongo akubye omwana wa muggya...

OMUKAZI atuze omwana wa muggya we n’amutta poliisi n’emutaasa ku batuuze nga baagala kumugajambula.

Kit2 220x290

Kitatta bamuggye e Makindye n'atwalibwa...

Kitatta bamuggye e Makindye n'atwalibwa e Luzira

Hip2 220x290

Olunaku lw'okuyonja akamwa lukuziddwa...

Olunaku lw'okuyonja akamwa lukuziddwa e Kayunga

Gat2 220x290

Abagambibwa okutigomya Matugga...

Abagambibwa okutigomya Matugga Poliisi ebakutte