TOP

Omuvubuka akakkanye ku muganda we n'amutta.

By Musasi wa Bukedde

Added 14th March 2019

Ekikangabwa kigudde ku kyalo Kiyunga mu divizoni y’e Wakisi munisipaali y’e Njeru mu disitulikiti y’e Buikwe Steven Muchoro 25 bwakkakkanye ku muganda we Peter Mayera 22 n’amutta. Kati Muchoro aliira ku nsiko ne mukyala we.

BYA EMMANUEL BALUKUSA
 
Ekikangabwa kigudde ku kyalo Kiyunga mu divizoni y’e Wakisi munisipaali y’e Njeru mu disitulikiti y’e Buikwe Steven Muchoro 25 bwakkakkanye ku muganda we Peter Mayera 22 n’amutta. Kati Muchoro aliira ku nsiko ne mukyala we.
 
Obutemu buno bwabaddewo oluvannyuma lwa Mayera okujja ewa Muchoro okubataawuluza mu lutalo ne mukyala we, Maureen Nekesa 22.
 
Jimmy Abubakari omutuuze yategeezezza nti obwedda Muchoro yeewerera oyo yenna anagezaako okuyingira mu nsonga zaabwe eza maka.
Mayera bwe yatuuse okubataawuluza Muchoro yakutte ettoffaali n’alimukuba mu kifuba nagwa ku ttaka.
 
Taata w’omugezi, Richard Kisoro yagambye nti baayise omusawo okuyamba ku Mayera naye we yatuukidde ng’afudde.
 
Yafeesi Massa omu ku batuuze yagambye nti obutemu buno buvudde ku bantu bano kukozesa bitamiiza.
 
Mu kiseera kino adduumira poliisi y’e Njeru Christopher Ruhunde yagambye nti batandise omuyiggo ku Muchoro ne mukyala we Nekesa.
 

More From The Author

Emboozi z’omuwandiisi endala

Emboozi endala

Kib2 220x290

Aketalo nga URA etunda mmotoka...

Aketalo nga URA etunda mmotoka ne pikipiki ku nnyonda.

Lab2 220x290

Bumate United FC etanziddwa emitwalo...

Bumate United FC etanziddwa emitwalo 50 mu Big League

Fot2 220x290

Omucuula guyamba ku lubuto olwesibye...

Omucuula guyamba ku lubuto olwesibye

Kab3 220x290

Owoolubuto weekwate ekiyondo okutereeza...

Owoolubuto weekwate ekiyondo okutereeza emmeeme

Gat2 220x290

Abayizi n’abaana nabo basobola...

Abayizi n’abaana nabo basobola okulumirirwa abalala mu kisiibo