TOP

Omuwala bamusobezzaako ne bamutta e Bukalango

By Musasi wa Bukedde

Added 19th March 2019

OMUWALA omulala e Wakiso bamusobezzaako oluvannyuma ne bamutta! Ekikangabwa kino kyagudde ku kyalo Bukalango omuwala ow’emyaka 17, bwasangiddwa ng’attiddwa.

Mwana 703x422

Nabalanze eyattiddwa

Abatuuze baasoose kuwulira kivundu n’okulaba ensowera ezaabadde ziva mu nnyumba eyabadde tennaba kuggwa, era olwagiyingidde, amaaso gagukidde ku mulambo gwa Fatuma Nabalanze.

Embeera y’omulambo yabadde eraga nti yandiba ng’abaamusse baasoose kumusobyako kuba gwabadde gwambuddwa nga ku bbali waliwo amacupa ga bbiya n’obuveera bwa walagi.

Poliisi okuva e Kakiri yazze n’eggyawo omulambo ogwabadde guvaamu ekivundu era ng’abatuuze baagambye nti baakoma okulaba omugenzi ennaku ssatu emabega.

Ennyumba mwe battidde Nabalanze ya kitaawe George William Ssekagudde.

Omuwala mu nnyumba abadde abeeramu yekka okuva kitaawe Ssekagudde lwe yasindikibwa mu kkomera nga kigambibwa nti takisi ye yali ekozesebwa mu kubba abasaabaze ababa bagirinnye.

Ssentebe w’ekitundu, Matia Jemba yavumiridde ettemu eryakoleddwa n’agamba nti libadde lirudde okulabikako mu kitundu kino.

Jemba yategeezezza nti omuwala ono abadde atambula n’abavubuka ab’enjawulo era kisuubirwa nti kwe kwavudde abaamusse.

Abavubuka abamu ku babadde atera okutambula nabo bamanyiddwa ku kyalo nti banywi ba njaga.

Yagambye nti ayogedde ne poliisi y'e Kakiri ng’ayagala bakole ebikwekweto mu kitundu bayoole abavubuka abakyamu, kyokka tebafaayo.

Esther Nabulya 70, jjaja w’omugenzi yategeezezza nti yali asula naye mu nju. Kyokka oluvannyuma yeewaggula n’atandika okusula mu nnyumba ya kitaawe.

“Mbadde ndudde okumulaba era bwe namubuuza ambuulire gy'abeera, yanziramu nti abeera ne mikwano gye,” Nabulya bwe yategeezezza.

Ssentebe wa Kakiri Town Council, Muhammad Kisekka yalabudde abazadde obutakkiriza baana kubeewaggulako ne batandika obulamu obwabwe nga bakyali bato.

Yanenyezza nnyo poliisi ye Kakiri obutakola bikwekweto kuyoola bavubuka bakirereesi ku kyalo abamala obudde nga banywa enjaga ate ne batulugunya abantu obudde bw’ekiro.

Omuduumizi wa poliisi y'e Kakiri, Ibrahim Kapchemut yagaanyi okubaako ky’ayogera ku ttemu lino.

More From The Author

Emboozi z’omuwandiisi endala

Emboozi endala

760c92ca9f694295837ec90b52ac134f 220x290

Ssekiboobo aziikiddwa mu kitiibwa...

Omwami wa Kabaka ow'essaza ly'e Kyaggwe eyawummula, Ssekiboobo Alex Benjamin Kigongo Kikonyogo olwaleero aziikiddwa...

A84388d55eaa4efa9fcc00052969dc53 220x290

Omuyimbi Grace Ssekamatte alwanaganye...

Omuyimbi Grace Ssekamatte omu ku ba dayirekita ba Golden band asiibuddwa okuva mu ddwaaliro gy’amaze wiiki nnamba...

Cor 220x290

Beerumirizza okusaddaaka owabbooda...

OMUTUUZE eyasaddaakiddwa ne bamusuula mu kinnya okumpi n’ekyuma ky’omugagga Ephraim Bbosa, akwasizza abantu bana...

Tra 220x290

Eddagala lya ARV’S lisobola okulwanyisa...

OLWALEERO tewali ddagala ttuufu lyazuuliddwa okuba nga lijjanjaba obulwadde bwa COVID 19 .

Tabu 220x290

Ziizino endwadde endala ezirina...

ABANTU 44 baakakasiddwa mu Uganda nga balina ssennyiga omukambwe (coronavirus) era bajjanjabwa nga n’abalala bateekeddwa...