TOP

Abasawo boogedde ekyasse owa P7

By Musasi wa Bukedde

Added 19th March 2019

AKULIRA eddwaaliro lya Uganda Martyrs Hospital Lubaga, Dr. Andrew Ssekitoleko ayogedde ku byaviiriddeko omuyizi wa Kyengera Parents School okufa nga yaakatuusibwa mu ddwaaliro.

Baana 703x422

Gerald Ssegujja 14, abadde omuyizi wa P7 nga tannafa yasoose kulumizibwa mutwe ekyawalirizza abakulira essomero lino okusooka okumutwala mu kalwaliro ka Mirembe e Kyengera gye baamuggye okumwongerayo e Lubaga gye yafiiridde nga yaakatuusibwayo.

Abooluganda lw’omugenzi baavuddeyo ne balumiriza essomero okulagajjalira omwana waabwe.

Dr. Ssekitoleko yagambye nti, obulwadde obwasse Ssegujja bwa “Brain Aneurysm” buva ku kasuwa ku bwongo okwabika akavaako omusaayi okugenda mu bwongo.

Yagambye nti, obulwadde buno tebusosola mu myaka kyokka nga businga kukwata bantu abali waggulu w’emyaka 40 era nga buttirawo mu bwangu.

Yayongedeko nti mu Uganda emikisa mitono okujjanjaba omuntu aba afunye obulwadde buno n’awona wabula ssinga omulwadde aba ayanguyiddwa basobola okunuunamu omusaayi guno nga tegunasaasaana wadde ng’abasinga bamala ne bafa.

Okusinziira ku bubonero omwana ono bwe yabadde nabo ne bye bannyonyoddwa abasomesa n’abazadde nga yakatuusibwa e Lubaga, baakakasizza nti Ssegujja yafudde bulwadde buno.

Yayongeddeko nti, obulwadde buno omuntu azaalibwa nabwo wabula si kyangu kubuzuula mu mwana ng’akyali muto.

Obubonero bw’obulwadde buno mulimu; okulumizibwa omutwe, okusesema, okwesika, okulalambala ensingo, okuwulira kamunguluze n’okufuna ekifu ku maaso.

Ssekitoleko yawadde abazadde n’abakulira amasomero okujjumbira okutwala abaana baabwe mu malwaliro bakeberebwe nga tebannaba kulwala.

ABAZADDE ENSONGA BAZITUTTE KU POLIISI

Bazadde ba Ssekitoleko ensonga baazongeddeyo ku poliisi y’e Kyengera. Ritah Nankwanga yagambye nti, ab’essomero yabaguddeko omusango gw’okulagajjalira omwana we wadde ng’abessomero babyegaana.

More From The Author

Emboozi z’omuwandiisi endala

Emboozi endala

Davidssekandingalagaengeriamatookegegyegayonooneddwaenkubawebuse 220x290

Ab'e Mukono beeraliikiridde enjala...

Abatuuze b'e Nassaka mu Mukono beeraliikiridde olw'enkuba eboonoonedde ebirime

Whatsappimage20191021at1439041 220x290

Zani Lady C awera kudda mu nsiike...

Zani Lady C omuyimbi ate nga muzannyi wa ffirimu akomyewo n'akayimba okuddamu okuvugannya mu nsiike y'okuyimba....

Kkobewebuse 220x290

Mwewale okufiira ku mirimu gy’okukozesebwa...

Abamalirizza emisomo bakubiriziddwa obuteesiba ku mirimu gya misaala emigereke bwe baba baagala okwewala ekkomera...

Joseph8webuse 220x290

Bwe mukoledde ebibuuzo mu kizimbe...

Fr. Joseph Ssebayigga asabidde abayizi ba St. Joseph Girls Primary School e Nsambya aba P7 ng'aggulawo ekizimbe...

Vipers 220x290

Vipers yeeweredde BUL

Mu nsisinkana etaano ezisembyeyo,Vipers ewanguddemu emipiira ena (4) so nga BUL gumu.