TOP
  • Home
  • Amawulire
  • Abayizi n’abaana nabo basobola okulumirirwa abalala mu kisiibo

Abayizi n’abaana nabo basobola okulumirirwa abalala mu kisiibo

By Musasi wa Bukedde

Added 21st March 2019

Abayizi n’abaana nabo basobola okulumirirwa abalala mu kisiibo

Gat2 703x422

OKUYAMBA abali mu bwetaavu y’emu ku mpagi z’Ekisiibo. Empagi eno abantu bangi bakaluubirirwa okugituukiriza, naddala bwe babeera mu mbeera ey’obwavu. Sr. Mary Claire Nakubulwa ow’ekibiina kya Bannabiikira era nga ye mukulu w’essomero lya Our Lady Queen of Africa SS, Lubaga, agamba nti obwavu teyandibadde nsonga egaana muntu kuyamba balala, kubanga omuntu asabibwa kuwaayo ekyo ky’asobola, oba ky’aba teyeetaaga nnyo. Sr. Claire agamba nti kyandibadde kirungi abaana ne bayigirizibwa obukulu bw’okugaba nga bakyali bato, oba nga bakyali mu ssomero.

“Ekiseera kino tulina bingi ebisoomooza Obukristu bwaffe. Abantu bangi beerowoozaako bokka, era ne beekuηηanyiza ebintu bingi, ebimu nga n’okubyetaaga tebabyetaaga. Omulugube gw’ebintu guleetera abamu obutalowooza ku bali mu bwetaavu.

Ate waliwo n’Abakristu abadda mu kwekubagiza olw’obwavu obuliwo ensangi zino, bwe batyo ne bakomekkereza nga tebayambye balala.

“Tetusaanidde kulowooza nti abo abalina be bokka abateekeddwa okugaba ku byabwe. Ne bwoba nga tolina bingi, osobola okuyamba abo abakusinga okubeera obubi. Mu Bayibuli tusoma ku Nnamwandu eyawaayo eppeesa, kyokka Omukama n’amusiima nnyo n’okusinga abagagga abaatona omudidi.

Ate tujjukire nti ne ssente z’obuyambi obuva ebweru ze tukozesa mu ddiini, n’ebibiina by’obwannakyewa, ezisinga ziweebwayo bantu banaku. “Tusaanye era okukimanya nti okusiiba tekusinziira ku myaka omuntu gy’alina. Abakulu n’abato bonna basobola okubaako ne kyebatona. Ate era ggwe wamma abato tufube okubateekamu omutima ogugaba nga bakyali bato.

“Ffe wano mu ssomero lyaffe erya Our Lady Queen of Africa Girls Secondary School Lubaga tulina enkola eyamba abayizi baffe okutegeera obukulu bw’okuyamba abanaku. Obudde bwa Kalema bwe butuuka, tuteekawo obubokisi mwe bateeka ssente, mu nkola eya kyeyagalire.

Weewunye ssente zino bazijja ku ‘pocket money’ waabwe abazadde gwe baba babawadde. Abayizi era tubafunira ekifo eky’enjawulo, we basobola okuteeka ebintu ebikalu.

“Ekisiibo bwekiggwako, tufunayo amaka g’abaana abataliiko mwasirizi, oba Bakateyamba, ne tugatonera ssente zonna n’ebintu ebyo ebikalu. Matayo 25:31-46: Bwe nnali omuyala wampa ekyokunywa, bwe nnali omuyonta wampa eky’okunywa, bwe nnali obukunya wampa eky’okwambala, bwe nnali omulwadde wanzijanjaba, bwe nnali mu kkomera wankyalira, jangu mu Bwakaaka bwa Kitange ”

More From The Author

Emboozi z’omuwandiisi endala

Emboozi endala

Benitez22 220x290

Benitez munyiivu olwa Newcastle...

Newcastle yeggyeeko omutendesi Benitez oluvannyuma lw'endagaano ye okuggwaako.

Oketchinstructinghisstudentswebuse 220x290

Oketch obwavu abugobye na kukola...

Mu kukola fulasika z'embaawo mwe nfuna ssente

Wanikaamaguluwebuse11 220x290

Bw'oyamba omuntu azirise nga tonnamutuusa...

By'olina okukola okuyamba omuntu azirise nga tonnamutuusa wa musawo okumutaasa obuzibu obuyinza okumutuukako

Lan1 220x290

Mbogo ne Kibuli beddizza ez'amasomero...

Mbogo ne Kibuli beddizza ez'amasomero mu Badminton

Gr2 220x290

Abagambibwa okutta owa Mobile Money...

Abagambibwa okutta owa Mobile Money babazizza e Zzana