TOP
  • Home
  • Amawulire
  • ssebuggwawo alonze olukiiko lw’ettaka ne kkooti ya LC III

ssebuggwawo alonze olukiiko lw’ettaka ne kkooti ya LC III

By Musasi wa Bukedde

Added 22nd March 2019

ssebuggwawo alonze olukiiko lw’ettaka ne kkooti ya LC III

Tip2 703x422

MEEYA wa Lubaga, Joyce Nabbosa Ssebuggwawo alonze bammemba abapya abatuula ku kkooti ya LC III n’olukiiko lw’ettaka mu Lubaga n’abalagira okutandikirawo emirimu.

Bwe yabadde ayanjulira bakansala amannya ga bammemba be yalonze okugakakasa, Ssebuggwawo yagambye nti wabaddewo obwetaavu bw’obukiiko buno kuba tewabadde babutuulako okusobola okukola ku nsonga ez’enjawulo. “Bakansala mbanjulira amannya g’abantu okutuula ku kkooti ya LC III n’olukiiko lw’ettaka era njagala mubakakase basobole okukola emirimu gye bateekeddwa okukola,” Ssebuggwawo bwe yasabye ba kansala.

Yagambye nti, okulonda amannya gano kyaddiridde okulonda kwa bassentebe ba LC I ne LC II ng’ekibadde kisigadde kwe kulonda abanaatuula ku kkooti ya LCIII n’ekkooti ya LC III kuba ekisanja ky’obukiiko obukadde kyali kyaggwaako.

Mu mannya agaalondeddwa kuliko: Ssewava Sserubiri ng’ono ye ssentebe w’akakiiko k’ettaka ng’atuulako ne Denis Kyobe, Teddy Nassuuna aba NRM, Sylivia Birungi owa DP ne Fred Bugoba wa FDC.

Abalondeddwa ku kkooti ya LC III kuliko: Ssaalongo Ismail Kinobe owa FDC ng’atuulako ne Fred Kiwanuka Kkwatakunsawo owa DP, Sarah Kasule owa DP, Amina Lubega owa NRM ne Annet Mbabazi owa FDC.

Bwe baamaze n’abakwasa amateeka kwe balina okukolera emirimu gyabwe nga bawuliriza ensonga ezibatwaliddwa basobole okuzituulamu nga bagoberera amateeka. Ssebuggwawo era yalonze Christine Kyeyune Kawooya era n’amusemba okutuula ku lukiiko olutwala eby’ettaka mu Kampala olwa Kampala District Land Board.

Mu ngeri y’emu Ssebuggwawo yayanjulidde olukiiko enteekateeka z’okuyonja ebyalo mu Lubaga okusobola okulwanyisa obucaafu n’okusomesa abantu ku by’obuyonjo kuba enkuba eneetera okutonnya nga baagala etandike nga waliwo ekikoleddwa.

More From The Author

Emboozi z’omuwandiisi endala

Emboozi endala

Bugingo 220x290

Bugingo bamuyise ku poliisi ne...

PAASITA Aloysius Bugingo avudde ku poliisi ya CPS mu Kampala nga bimusobedde olw’obukwakkulizo poliisi bwe yamutaddeko...

Linda 220x290

Paasita Serebe aleppuka na bbanja...

OMUSUMBA w’Abalokole Bp. Stuart Serebe owa Christian Heritage Church esangibwa e Mbuya yattulukuse entuuyo nga...

Anita 220x290

Bebe Cool aleese amaanyi: Atuusizza...

OMUYIMBI Bebe Cool aleese amaanyi!, Nga yaakamala okutuusa kapyata ekika kya Land Cruiser V.* ZX Model 2019 gy’agamba...

Annotation20190719080947 220x290

Bukedde TV Livestream: Ekyenkya...

Bukedde TV Livestream: Ekyenkya

Massagebeingdonewebuse 220x290

By'olina okutunuulira nga tonnakola...

Nakola masaagi ne ntemwako okugulu era ntambulira mu kagaali - Dr. Karuhanga