TOP
  • Home
  • Amawulire
  • Ow’Abasodokisi annyonnyodde ku ky’ebifaananyi Ekisiibo lwe kitandika

Ow’Abasodokisi annyonnyodde ku ky’ebifaananyi Ekisiibo lwe kitandika

By Musasi wa Bukedde

Added 22nd March 2019

Ow’Abasodokisi annyonnyodde ku ky’ebifaananyi Ekisiibo lwe kitandika

Deb2 703x422

SSAABASUMBA w’Eklisia y’Abasodokisi mu ggwanga, Metropolitan Jonah Lwanga agambye nti tebasinza bifaanaanyi wabula babiwa ekitiibwa kubanga byongera okuyamba abakkiriza okumanya n’okwekwata Abatukuvu mu ddiini.

Bino yabyogeredde mu mmisa gye yakulembeddemu mu kujjukira ssabbiiti y’Obusodokisi okujjuukirirwa okukomezebwawo kw’ebifaananyi mu klesia n’agamba nti omukkiriza bw’alaba ekifaananyi ayongera okwejjukanya ebikwata ku mutukuvu we kuba bangi tebaaliwo mu kiseera kyabwe.

Metropolitan Lwanga yategeezezza nti Omutukuvu Lukka ye yasooka okusiiga ekifaananyi kya Yesu n’abalala mu migiji egyaddirira ne bagenda nga bakola bwe batyo okutuusa lwe waggyawo enjawukana mu Eklesia ng’abamu balemwa okutegeera amakulu gaazo. Nga March 11, 843 olumu ku nkiiko z’ensi yonna lwatuula ne lukkiriza ebifaananyi bizzibwe mu klesia era nga kino kyakolebwa mu kiseera ky’okutandika Okusiiba.

Bwetyo klesia yasalawo buli wiiki esooka mu kisiibo, embaga eno ekolebwe. “Katonda waffe atwagaliza okutyaη− ηana, okuwaηηana ekitiibwa, buli omu atunule ku munne ng’obufaanane bwa Katonda.

Todda ku mukyala wo okumuligita emiggo, todda ku mwana wo kumwookya muliro. Ofaanana otya gwe akola bwatyo atyoboola ekifaananyi kya Katonda,” Metropolitan Lwanga bwe yayogedde ku muntu okubeera ekifaananyi kya Katonda ekitalina kutyobolebwa.

Lukka era ye yasooka okusiiga ekifaananyi kya nnyina Katonda Maria ng’oggyeeko okukola emirimu emirala egyatumbula Obukristo okuli n’okuwandiika enjiri eri mu Bayibuli. Ekisiibo ky’Abasodokisi kyatandiika nga March 11,2019 ku lunaku oluyitibwa Mmande ennyonjo

More From The Author

Emboozi z’omuwandiisi endala

Emboozi endala

Wanika1 220x290

'Okusomesa abaana eddiini kye ky'okulwanyisa...

AKULIRA yunivasite y’Abasiraamu asabye Bannayuganda okukosomesa abaana eddiini ng’ekyokulwanyisa okumalawo ebikolobero...

Card1 220x290

Kiki ekifuna sizoni eno?

Obadde okimanyi nti ku 40,000/= osobola okutandika bizinensi ya Success Cards ne wenogera ensimbi?!

Uneb3 220x290

Ebigezo by'e Mbarara byatuukidde...

Ebigezo bya S4 ebya UCE byatuusidwa ku Poliisi y'e Mbarara nga bikuumibwa butiribiri abaserikale ba miritale...

Exams3 220x290

Ebibuuzo bya UCE 2019 bitandise...

Ebibuuzo bya S4 bitandise na kigezo kya Physics Practicals.

Buku1 220x290

Magogo azzeeyo ku butaka gy'azaalibwa...

FIFA olwamaze okumukaliga emyezi ebiri nga teyeenyigira mu mupiira, Moses Magogo, abadde pulezindeti wa FUFA, yasibidde...