TOP
  • Home
  • Amawulire
  • Museveni alambudde Kadaga mu ddwaaliro e Nakasero

Museveni alambudde Kadaga mu ddwaaliro e Nakasero

By Musasi wa Bukedde

Added 23rd March 2019

SIPIIKA wa Palamenti Rebecca Alitwala Kadaga mwongere okumusabira. Mulwadde muyi. Abamujjanjaba mu ddwaaliro e Nakasero bategeezezza nti munafu nnyo. Akaluubirirwa okussa.

Godo 703x422

Emmotoka z’abakuumi ba pulezidenti wabweru w’eddwaaliro. Mu katono ye Pulezidenti Museveni ne sipiika Rebecca Kadaga

Pulezidenti Museveni eggulo (Lwakutaano) yagenze mu ddwaaliro e Nakasero okumulaba.

Omumyuka wa sipiikaJacob Oulanya ye yasoose okugenda mu ddwaaliro era kyategeezeddwa nti ye yawadde Pulezidenti ekifaananyi ku mbeera ya Kadaga.

Yaweereddwa ekitanda ku Lwokusatu oluvannyuma lw’okukomawo okuva mu Amerika nga mugonvu.

Kyategeezeddwa nti Sipiika yabadde n’obuzibu bw’okussa kyokka bwe yatuusiddwa mu ddwaaliro n’ayongera okugonda.

Bukedde teyasobodde kukakasa kuva mu basawo bulwadde buluma Kadaga.

Pulezidenti yatuuse ku ddwaaliro e Nakasero ku ssaawa 5 n’eddakiika 40 ng’ali mu kyambalo ky’amagye.

Emmotoka ezimukulenbera zaasimbye bweru kyokka eyiye n’endala egigoberera ne ziyingira munda mu geeti y’eddwaaliro.

Yatwaliddwa mu kisenge omujjanjabirwa Kadaga gye yamaze eddakiika nga 15 n’afuluma n’agenda.

Kyategeezeddwa nti enteekateeka zaabadde zikoleddwa okutwala Kadaga ebweru kyokka abasawo ne bawabula nti yabadde akyali munafu nnyo okumussa ku nnyonyi nga beetaagayo akaseera okwongera okumujjanjabira e Nakasero.

Amyuka akulira ebyamawulirega Pulezidenti, H. Linda Nabusayi yategeezezza Bukedde ku ssimu nti Mw. Museveni yalambudde Kadaga kyokka embeera gye yamusanzeemu teyamusanyudde.

Abantu bangi okuli ebikonge bya Gavumenti n’ababaka ba palamenti baagenze mu ddwaaliro kyokka tebaasobodde kulaba Sipiika.

Abasawo baategeezezza nti yabadde tasobola kulaba bantu ate nga nabo betaaga okumukolako nga tebatataaganyiziddwa.

 

More From The Author

Emboozi z’omuwandiisi endala

Emboozi endala

Annotation20190718192802 220x290

Okwogera kwa Pulezidenti Museveni...

Okwogera kwa Pulezidenti Musevebni eri eggwanga. Tuli mu maka g'Obwapulezidenti e Nakasero

Massagebeingdonewebuse 220x290

By'olina okutunuulira nga tonnakola...

Nakola masaagi ne ntemwako okugulu era ntambulira mu kagaali - Dr. Karuhanga

Omukubayizingalikobyanyonyolawebuse 220x290

Abawala abazaddeko mubazze mu masomero...

Abawala abazaddeko okudda mu masomero kyakuyigiriza abalala obutakola nsobi n'okubudaabuda abafunye obuzibu bwe...

Teekawo1 220x290

Akakiiko ka bannamateeka kasazizzaamu...

OLUKIIKO olufuzi olwa bannamateeka ba Uganda Law Society olukwasisa empisa lusazizzaamu ekibonerezo ky'emyaka ebiri...

Club 220x290

Vipers bagitutte mu kkooti lwa...

KIRAABU ya Vipers bagitutte mu kkooti lwa kukozesa akabonero kaayo (logo) nga tebasasudde yakakola. Era eyabawawaabidde...