TOP
  • Home
  • Amawulire
  • Abakyala baloopedde Nnabagereka empisa z'abasajja

Abakyala baloopedde Nnabagereka empisa z'abasajja

By Musasi wa Bukedde

Added 25th March 2019

Abakyala baloopedde Nnabagereka empisa z'abasajja

Hit2 703x422

Omu ku baayolesezza ng’annyonnyola Nnaabagereka (owookubiri ku ddyo), Pookino Ssebowa Mayiga (ku kkanzu), Omuzaana Nankya (ku ddyo), omubaka Kabanda ne Florence Namayanja (ataddeko gaalubindi).

ABAKYALA b’e Masaka baloopedde Maama Nnaabagereka Sylivia Nagginda ng’abasajja bwe basusse okudduka awaka n’okusuulirira obuvunaanyizibwa bwabwe nga kati bangi be beerabiririra n’okuweerera abaana baabwe.

Omubaka w’e Masaka omukazi, Mary Babirye Kabanda ye yaloopedde Nnaabagereka enneeyisa y’abasajja ku lw’abakyala abalala ne bamusaba abagambire ku basajja balekere awo ‘okubanobako’. Yagasseeko nti omuze guno gusinga mu basajja abamaze okuzaala mu bakyala era nga buli lwe baweza abaana bataano ng’abasajja badduka!

Yagambye nti kino akirabidde nnyo mu bakyala abaddukira mu kitongole kye ekya Babirye Kabanda Foundation okusaba okubayamba olw’abasajja ababaddukako!

Yawagiddwa omubaka wa Bukoto East, Florence Namayanja naye eyeekokkodde abasajja abazaala abaana mu bakyala abaliko obulemu ate ne babasuulawo!

Abakyala baabadde mu kukuza olunaku lw’abakyala mu Buganda olwabadde ku mbuga ya Pookino ku Ssaza e Masaka mu Buddu nga lwatambulidde ku mulamwa Ogwokunyweza obuntu bulamu mu maka ng’ensibuko y’obugunjufu’’ ng’omukolo gwetabiddwaako ebikonge naddala abakyala okuva masaza ag’enjawulo mu Buganda.

Nnaabagereka eyabadde awerekeddwaaako Namasole Margaret Siwoza n’Omuzaana Marion Nankya, Minisita Mariam Mayanja n’abalala yasoose kulambula abatuuze ab’enjawulo abatwalibwa nga eky’okulabirako mu buyonjo mu maka mu nkola ‘’Ey’akaalo Amateendo’’ ku kyalo Kiyanja mu Ggombolola y’e Mukungwe.

Ku mbuga y’essaza e Masaka Nnaabagereka ng’akulembeddwa Pookino Vincent Ssebowa Mayiga yalambudde emidaala gy’abakyala abaayolesezza bye bakola mu Buganda n’oluvannyuma n’amwanjulira amakula. Nnaabagereka yasabye abakyala baleme kwetuulako kulera ngalo wabula babeere bakozi era n’abakalaatira okukolera awamu n’okubeera abeerufu

More From The Author

Emboozi z’omuwandiisi endala

Emboozi endala

Title 220x290

Kayihura bamutaddeko nnatti obutalinnya...

GAVUMENTI ya Amerika eweze eyali omuduumizi wa poliisi, Gen. Edward Kale Kayihura okulinnya ekigere mu ggwanga...

Pala 220x290

Ebya Nagirinya biyingiddemu omukazi...

POLIISI eyongedde okugaziya okunoonyereza kwayo mu kutemula Maria Nagirinya, bwegguddewo fayiro ku mukyala omu...

Rermanamakula 220x290

Rema amalirizza okugula eby’omukolo...

OMUGOLE Rema Namakula akomyewo okuva e Buyindi ne mu Butuluki na ssanyu era agamba tewali ayinza kwekiika mu mukolo...

Img20190831wa0235209984377320145757 220x290

Ebikwata ku kusoma kwa Sebunya...

HAMZAH Sebunya, bba wa Rema omupya yasooka kukuguka mu by’okukebera omusaayi mwe yatikkirwa dipulooma mu November...

Manya 220x290

Omukyala asusse okumpisiza omukka...

SSENGA, Mukyala wange alina omuze gw’okumpisiza omukka ate nga guwunya bubi ddala. Tusula mu muzigo kale bw’akikola...