TOP
  • Home
  • Amawulire
  • Ochola afuumudde abaserikale abasula ku kitebe e Kibuli

Ochola afuumudde abaserikale abasula ku kitebe e Kibuli

By Musasi wa Bukedde

Added 31st March 2019

OMUDUUMIZI wa Poliisi mu ggwanga, Martin Okoth Ochola agobye mbagirawo abaserikale bonna abasula ku kitebe kya bambega e Kibuli.

Genda 703x422

Akullo ng’alamusa ku muduumizi wa poliisi, Okoth Ochola oluvannyuma lw’okuggalawo omusomo e Kibuli.

Ekiragiro kino Ochola yakiwadde ku mukolo gw’okuggalawo omusomo abaserikale abanoonyereza ku buzzi bw’emisango gwe baabaddemu nga babangulwa ku ngeri gye basobola okuzuula ebiwandiiko ebijingirire ogwabadde e Kibuli ku Lwokuna oluvannyuma lw’abakulira okutendeka abanoonyereza ku buzzi bw’emisango okubaako ebintu bye baamusabye okuteereza n’okubakolera.

Ochola yagambye nti bwe yali yaakalondebwa ku kifo ky’omuduumizi wa poliisi yasisinkana Pulezidenti Museveni n’amulagira okutereeza n’okwongera amaanyi mu kitongole ekinoonyereza ku buzzi bw’emisango n’ekitongole ekikessi nga kino yakitandika dda.

Yagambye nti ekitongole ekinoonyereza ku buzzi bw’emisango ekituula e Kibuli yasalawo kibeere ekijjuvu nga kiriko ettendekero we basobola okubangulira abanoonyereza ku misango n’okukozesa buli kizimbe ekiriko ng’abaserikale ababadde basulamu balina okuggyibwamu batwalibwe mu nkambi endala.

“Njagala okubategeeza nti ekitongole kyaffe ekinoonyereza ku misango ekituula e Kibuli kibeere nga kyemalirira era n’okukisitula omutindo era abaserikale bonna ababadde basulamu mpadde ekiragiro baveemu,” Ochola bwe yategeezezza.

Yagambye nti ettendekero eriteereddwa e Kibuli lirina okukozesebwa mu kutendeka abanoonyereza ku misango basobole okufuna obukodyo obupya bwe baneeyambisa mu kukola emirimu kuba n’abeenyigira mu misango gino bazze bakyusa obukodyo.

Bbo abaserikake ababadde mu kitendekebwa yabalagidde okuteeka mu nkola bye basomeseddwa naddala okwetegereza ebiwandiiko abantu bye bakozesa mu kutambula omuli passport, Viza, densite wamu ne ssente kuba bye bimu ku bisinze okujingirirwa abamenyi b’amateeka omuli abatujju abakukusa enjaga n’ebiragala, abakukusa ebisolo n’ebirala.

Akulira ekitongole ekinoonyereza ku misango, Grace Akullo yagambye nti abamenyi b’amateeka ebiwandiiko bye bajingiridde babikozesezza okugenda mu mawanga ag’enjawulo ne bakwatibwa ne bategeeza nga bwe bavudde e Uganda nga bwe babuuzibwa ebisingawo ne batamattama nga kyazuuliddwa nti abamu kubo si Bannayuganda nga baakwatiddwa mu ggwanga lya China.

Abaserikale 82 be baatendekeddwa abakugu okuva ku kitebe ky’eggwanga lya Amerika mu Uganda.

More From The Author

Emboozi z’omuwandiisi endala

Emboozi endala

Katikkiromayigangaalinaboogezibokumikoloabeetabyekumukologwoluwalokubulanekulwokubiri002webusenu 220x290

Katikkiro Mayiga abakubirizza okunnyikiza...

Katikkiro wa Buganda, Charles Peter Mayiga akubirizza Ab'e Buluuli ne Ssese okunnyikiza obulimi kubanga teri mulimu...

Manya 220x290

Abakazi abasinga tebamalaamu kagoba...

Abakazi emirundi 6 ku 10 gye beegatta mu kaboozi tebatuuka ku ntikko. Wabula babuulire kwekoza nga abamazeemu akagoba....

Saalwa703422 220x290

Teddy ayanukudde Bugingo ku bya...

TEDDY Naluswa Bugingo ayanukudde bba Paasita Aloysius Bugingo ku kya ffiizi z’abaana ne ssente.

Florencekiberunabalongowebuse 220x290

Alina olubuto lw'abalongo ne by'olina...

Abasawo balaze abalina olubuto olulimu omwana asukka mu omu bye balina okukola obutabafiirwa nga tebannazaalibwa...

Research1 220x290

Ebizibu ebibeera mu kutambuliza...

ABATANDIKA omukwano ekimu ku birina okwewalibwa ku kugutambuliza mu kweteeka mu butaala ate nga si bwoli.