TOP

Abakyala munyikire okukola mukomye okulinda ensimbi z'akameeza

By Musasi wa Bukedde

Added 2nd April 2019

Minisita Sseninde akubirizza abakyala banyikire okukola bakomye omuze gw'okulinda ensimbi z'akameeza

Minisitassenindengayogerakumukolo3 703x422

Ssenninde ng'ayogera eri abakyala e Najeera.

 Bya TONNY KAYEMBA

MINISITA omubeezi ow'ebyenjigiriza ebisookerwako, Rosemary Sseninde asabye abakyala okunyikira okukola  bakomye muze  gw'okulinda ez’akameeza, abasajja ke babalekera nga n'olumu tekawera.

Ono asabye n’abakulembeze okubeera ekyokulabirako eri abantu be bakulembera nga bakola ebyo ebisaanidde mu kitundu wamu n’okukomya ebyobufuzi ebivvoola abantu be batafaanagana mu ndowooza naddala ez'ebibiina byobufuzi wabula bakolere abantu be bakiikirira.

 Sseninde bino yabyogeredde ku ssomero lya Tropical Nursery and Primary School e Najeera, abakyala ba Divizoni y'e Kira bwe baabadde bakuza olunaku lwabwe olwategekeddwa abatwala Divizoni eno nga bakulembeddwaamu Minisita w'e kikula ky'abantu, Jenipher Nakitende nga ye kansala omukyala akiikirira ekitundu kino ku Divizoni y'e Kira mu Munisipaali y'e Kira.

 Omukolo guno gwetabiddwaako abagenyi ab’enjawulo abakulembeddwaamu abalala omuli omubaka wa Munisipaali y'e Kira Ibrahim Ssemujju Nganda, Jimmy Lukwago Maneja wa Kira Young, Gerald Kzito Ssentebe wa Kira Divizoni, Godfrey Nsubuga Omumyuka wa Meeya w'e Kira bakansala, abakyala okuva mu byalo e 17 ebikola Divizoni eno wamu n’abakulembeze ku bukiiko bw'ebyalo.

Abakyala baayoleseza ebintu ebyemikono bye bakola kw’ossa okwolesa mu katemba, okuyimba ne n’amazina.

 Ye omubaka wa Munisipaali y'e Kira, Ibrahim Ssemujju Nganda yeebazizza abakulira Divizoni y'e Kira olw'okufaayo ne bakuza olunaku lw'abakyala lwe yagambye nti lwateekebwaawo okujjukira okubonaabona abakyala kwe bayitamu nga tebannasembezebwa ku mwanjo ng’ okulukuza buli mwaka kisaanidde.

 Yasabye abasajja okukomya omuze gw'okutulugunya abakyala n’okufaayo okulabirira amaka gaabwe bakome okugalekera abakyala ng'abamu tebamanyi na masomero abaana baabwe gye basomera olw'okuba baasulawo obuvunaanyizibwa bwabwe ng'abasajja ne bakola gw'akuzaala buzaazi nga tebalabirira baana.

 

Gerald Kizito Ssentebe wa Divizoni y'e Kira yasabye abakyala n’abavubuka okutandikawo ebibiina byokwekulaakulanya babitwale ku Divizoni basobole okufuna ssente z'okwekulaakulanya wabula n’asaba abo abaazifuna okufuba okulaba nga bazikozesa ebyo ebyazibaweesa basobole okuzizzaayo ne bannaabwe abalala basobole okuzifuna.

More From The Author

Emboozi z’omuwandiisi endala

Emboozi endala

Youngmulo 220x290

Akabinja ka Young Mulo kabadde...

AKABINJA ka Young Mulo, mu myezi mukaaga gyokka kabadde kaakatta abantu 11 mu Makindye ne Lubaga wokka!

Siiga 220x290

Boogedde ebifo gye batunda pikipiki...

Omwogezi wa Poliisi mu ggwanga, Fred Enanga yagambye nti Mulo ne banne baabagambye nti pikipiki ze babadde babba...

Yomba1 220x290

Aba Flying Squad bakutte omulala...

AB’EKITONGOLE kya poliisi ekya Flying Squad Unit bongedde okukwata abagambibwa okutta ababodaboda n’okubabba. Ku...

Dybala 220x290

Juventus etaddewo obukwakkulizo...

ManU eyagala kugula Dybala wabula Juventus egamba nti erina okutuukiriza obukwakkulizo bwonna bw'eba yaakumutwala....

Temu 220x290

Alondodde mukazi we gye yanobera...

OMUSAJJA alondodde mukyala we gye yanobera n’amusala obulago n’amutta ng’amulanga kumukyawa.