TOP
  • Home
  • Amawulire
  • Abazigu bawambye Omumerika eyazze okulambula ne bamusaba buwumbi

Abazigu bawambye Omumerika eyazze okulambula ne bamusaba buwumbi

By Musasi wa Bukedde

Added 4th April 2019

ABAZIGU ab’emmundu bateeze abalambuzi ababadde mu kkuumiro ly’ebisolo erya Queen Elizabeth ne bawambako babiri ne basaba ssente doola za Amerika emitwalo 50 ezibalirirwamu eza wano bbiriyooni emu n’obukadde 800 (1,861,575,065/-).

Queenelizabethnationalpark3 703x422

Bino byabaddewo ku Lwokubiri akawungeezi abalambuzi bana ne ddereeva eyabadde abavuga bwe baalumbiddwa abazigu.

Baabadde balambula mazike n’ebisolo ebirala mu kkuumiro lino mu katundu akayitibwa Edward Track akali wakati wa Katoke ne Inshasha Wilderness Park ebiri mu disitulikiti ye Kanungu.

Amyuka omwogezi wa poliisi mu ggwanga Polly Namaye yagambye abalambuzi bano baabadde mu mmotoka nnamba UAR 777E eya kkampuni ya Wild Frontiers Uganda Safaris.

Kwabaddeko Kimberly Sue Endecott munnansi wa Amerika ye yawambiddwa, abafumbo Julius Martins ne Berbel Julius wamu ne ddereeva waabwe Jean Paul era eyabadde gayidi abalambuza.

“Twagala okutegeeza eggwanga nti waliwo abazigu abaawambye abalambuzi mu kkuumiro ly’ebisolo erya Queen Elizabeth era bwe baababuzizzaawo ne batandika okweyambisa essimu y’Omumerika gwe baawambye okukuba nga basaba ssente.

Wabula naffe nga abeebyokwerinda tetutudde tuli mu kubanoonya,” Namaye bwe yategeezezza. Yategeezezza nti okuzuula nti abalambuzi bawambiddwa, kyaddiridde okulwawo nga tebabalaba abakulira wooteeri we baavudde ne basalawo okugenda okubanoonya kwe kusanga abafumbo Martins ne Berbel nga basobeddwa.

Bano be baayogedde ekyabadde kibatuuseeko era ne wayita akaseera katono abazigu ne batandika okukuba essimu nga basaba ssente.

Yategeezezza nti poliisi yamaze dda okuyungula abaserikale baayo abaatendekebwa mu bukugu obwenjawulo okuva mu kitongole ekivunaanyizibwa ku bulambuzi nga bakwataganye n’ebitongole ebirala okuli ISO, CMI ne Flying Squad.

Yagambye nti poliisi era yayiye abaserikale ku nsalo okwekebejja abayingira n’abafuluma eggwanga ng’omu ku kaweefube w’okukwata abateeberezebwa okuwamba abalambuzi saako n’okulondoola essimu abazigu gye baakozesezza okukuba nga basaba ssente.

Yagasseeko nti era ekitebe kya Amerika kyategeezeddwa dda nga bwe waliwo munnansi waabwe eyawambiddwa ng’okunoonyereza bwe kugenda mu maaso.

More From The Author

Emboozi z’omuwandiisi endala

Emboozi endala

Tteeka1 220x290

Ebintu 10 ebivaako abakazi okwetamwa...

Omukazi ayinza okukyawa akaboozi oba obutabeera mu mbeera za kwegatta olw’ensonga ezitali zimu.

Genda 220x290

Sheikh Muzaata: Kuva dda nga musajja...

SHEIKH NUHU MUZAATA Batte yazaalibwa mu myaka gya 1950 e Bwayise mu Lufula Zooni okumpi ne Kimombasa mu maka g'omugenzi...

Tteeka2 220x290

Baleese etteeka ku kunyumya akaboozi...

GGWE ssebo abadde alowooleza mu bya, ‘omusajja tammwa kantu’, bukukeeredde! Palamenti ereese etteeka mw’osobola...

20128largeimg210aug2012144442107703422 220x290

Ab'e Kibuli boogedde ku bya Kenzo...

Sheikh Abdul Salaam Mutyaba Imaam w’omuzikiti gw’e Kibuli yagambye bakyetegereza ebya Kenzo era bagenda kutuuza...

Kulanna 220x290

Eyali bba wa Kulannama awadde Kenzo...

Eyali bba wa Senga Kulannama n’amugoba, Abdul Lubega, awadde Kenzo amagezi nti byonna by’ayitamu ye (Lubega) bifaanana...