TOP
  • Home
  • Diaspora
  • Ssente zitabudde Bannayuganda ababeera e Sausi ne beerangira ebisongovu

Ssente zitabudde Bannayuganda ababeera e Sausi ne beerangira ebisongovu

By Musasi wa Bukedde

Added 9th April 2019

Bannayuganda babiri ababeera e South Africa baawukanye lwa ssente omu ze yawa munne nga basuubira okukola bizinensi emu kyokka munne n’adduka nazo.

Shakibb 703x422

Shakib (ku kkono) ne Sharif ssente be zitabudde

Omuvubuka amanyiddwa nga Sharif (24) agamba nti yawa munne Cham Shakib Lutaaya obukadde 60 eza Uganda nga zino baali bateesezza okukolamu bizinensi.

Agamba nti okusinziira kumyaka  8 gye bali bamaze nga baamukwano era nga bakolagana yamwesiga nnyo era okumuwa ssente tebakiteeka bumuwandiike.

Nga wayiseewo wiiki bbiri, Shakib yaggyako essimu ye nasenguka gye baali babeera n’adduka. Wabula ekyamala Sharif enviiri kumutwe, kwe kulaba ebifaananyi by’emmotoka empya ekika kya BMW ku mukutu gwa Shakib ogwa Facebook ng’ataddeko obubaka obwewaana nti yayingizzaawo ekyuma ekipya.

“Wiiki nga ssatu emabega, nnamuwa ssente eziwera obukadde 60 ze twali tukkaanyaako okukolamu bizinensi kyokka n’adduka nazo kati ansindikira abantu abantiisatiisa n’okunvuma ku sente ezange. Shakib mulyazamanya naye nga ku myaka munaana gye tumaze nga tukolagana lwaki ankola ekintu nga kino?”, bw'atyo Sharif bw’agamba.

Ebyo nga biri awo, waliwo ebigambibwa nti abamu ku Bannayuganda abeeyita abasama e Sausi tebalina mirimu gitegeerekeka ndowooza engeri gye batandise okwebba, bajja kwogera ne byama byabwe.

Wabula ye Shakib agamba nti tatwalangako ssente za Sharif , alabika amunoonyamu bibye.

“Oyo simumanyi ayagala kunkolelako amawulile ate nessente ezo sizimanyi, simusindirangako bantu bamuvume. Wabula kyemmanyi nti nze eyamwaniriza e Sausi n’ekirala ssente ezo z’agamba nnyingi nnyo teri muntu asobola kuziwa munne nga teri kiwandiko kyonna,” Shakib bw’agamba.

Ayongerako nti Sharif ayagala kumwonoonera linnya ng’entabwe yava dda ng’abakyabeera wamu ekirowozesa Shakib nti Shafik alina ennugu kyokka ate ye yamuyamba.

 

 

More From The Author

Emboozi z’omuwandiisi endala

Emboozi endala

Do 220x290

Poliisi erondoola aba boda 2 abaamanya...

ABAVUNAANIBWA okuwamba n’okutta Maria Nagirinya ne Ronald Kitayimbwa poliisi ebatutte ew’omusawo okubeekebejja...

Nara 220x290

‘Nalaga Abamerika bannaffe be batta...

Grace Bukenya amanyiddwa nga BK akuba bulatti olwa Amerika okusitukira mu Kayihura.

Galabuzi 220x290

Ndi mwetegefu okuwa obujulizi ku...

AMERIKA olwatadde nnatti ku Gen. Kale Kayihura, ne wavaayo abantu abamulumiriza okubatulugunya nga basaba atwalibwe...

Kolima1 220x290

Ekkoligo lya Amerika ku Kayihura...

EKKOLIGO Amerika lye yatadde ku Gen. Kale Kayihura littukizza ensonga z’okutemulwa kwa Kaweesi ne Kagezi, ng’abaakwatibwa...

Img0317webuse 220x290

Obuwempe bw’oku mmeeza mwe nzudde...

Okuluka obuwempe bw'oku mmeeza mwe nazuula omukisa gw'okukola ssente