TOP
  • Home
  • Amawulire
  • Abagambibwa okutta abasipesulo batandise okuwoza

Abagambibwa okutta abasipesulo batandise okuwoza

By SHAMIM NABUNNYA

Added 10th April 2019

Abagambibwa okutta abasipesulo batandise okuwoza

Hop2 703x422

ABAGAMBIBWA okutta abavuzi ba sipesulo mu Kampala baleeteddwa mu kkooti Enkulu wakati mu bukuumi obwamaanyi. Ku bavunaanibwa kuliko Anatoli Mugisha, Calvin Owino, Julius Musisi, Charles Lutaaya ne muganzi we Aidah Nanozi nga bano baleeteddwa mu maaso g’omulamuzi wa kkooti Enkulu Jane Frances Abodo era omusango gwabwe ne gutandika okuwulirwa.

Oludda oluwaabi luleese abajulizi bana nga ku bano basatu be baawadde obujulizi nga kuno kubaddeko Asuman Kato owa UPDF, Edward Mukholi omuserikale wa poliisi, Badru Nyombi eyali akola ne Ahmed Ssebagala eyali omuvuzi wa takisi mu Kampala eyapagisibwa ne bamuttira e Lwamata mu Kiboga.

Omujulizi owookuna eyali akulira okunoonyereza ku buzzi bw’emisango ku poliisi y’e Nateete Asp. Mutatina teyalabiseeko wabula puliida w’oludda oluwaabi, Fatiya Nakafeero yategeezezza omulamuzi nti, Mutatina alina emirimu gye yagendako e Somalia nga mu kiseera kino kizibu okumufuna.

Abakwate bano beegaana omusango ogubavunaanibwa ogw’okutta omuntu ssaako n’obubbi.Basooka okuleetebwa mu kkooti nga March 18, ne beegaana omusango guno. Bano bavunaanibwa okutta Ahmed Ssebagala eyali omuvuzi wa takisi ku siteegi y’e Busega, Noordeen Nsubuga eyali omuvuzi wa sipesulo ku siteegi y’e Nateete ne bamutwalako emmotoka nnamba UAL 676J ne Charles Matovu gwe battira e Mityana ssaako n’okubba emmotoka zaabwe ng’omusango baaguzza mu 2016.

More From The Author

Emboozi z’omuwandiisi endala

Emboozi endala

Sab1 220x290

Ababadde bagufudde omuze okubba...

Ababadde bagufudde omuze okubba mukama waabwe kkamera zibakutte

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...