TOP
  • Home
  • Amawulire
  • Tetunnasalawo ku ky'okwegatta ku mukago gwa DP Bloc -JEMA

Tetunnasalawo ku ky'okwegatta ku mukago gwa DP Bloc -JEMA

By Ssennabulya Baagalayina

Added 11th April 2019

“Bobi Wine mukwano gwaffe era tutambudde naye bulungi naye ekyakoleddwa DP Bloc wadde twabaddeyo naye tetwataddeko mukono.”

Jeeama24 703x422

Hajji Kateregga (mu ssuuti wakati) mu kusoma dduwa y’omugenzi Hajji Musa Kiggundu ku kyalo Kisiwuula e Bukulula.

ABAKUNGU mu JEMA baatudde nti bo ng’ekibiina tebannasalawo kwegattira ddala mu mukago gwa DP Bloc nti bakyetegereza.   
 
Bawabudde n’abantu abakulu baveeyo balambike abavubuka abayimba okwebeereramu mu nzannya y’ebyobufuzi entuufu ssi kulwa ng’eggwanga balinnyika mu ddubi. 
 
“Nga JEMA tukkiririza mu kwegatta okw’okuleeta enkyukakyuka mu Uganda naye tetukkiririza mu bya kuyiwa musaayi,” bwe bakkaatirizza. 
 
Byayatuddwa Ssaabawandiisi wa JEMA era Ssentebe LCV e Bukomansimbi, Hajji Muhammad Kateregga n’omwogezi waakyo Noordeen Kyammundu.
Baasinzidde mu dduwa y’omugenzi Hajji Musa omu kubaatandika JEMA, ku kyalo Kisiwuula e Bukulula mu Kalungu.  
 
Sheikh Badiru Diin Jjumba yayatulidde JEMA nti wadde mu 1996, yakuliramu ebyokugiyiggira obululu n’efuna 5000 mu Kalungu ne pikipiki ya kitaawe n’ebbibwa nti naye yagyabuulira lwa butalondoola bawagizi baayo.
 
Hajji Kateregga yawabudde ab’omu byalo nti tebeesuulirayo gwa nnaggamba ku bujagalalo obubeera mu Kampala n’obubuga obulala nga beeyinula nti tebibakwatako. 
 
“Abavubuka abo “Batwebereremu” baana baffe, abateetaaga kuwuliza byaliwo mu ntalo za 1979 ne 81 kuba tebaaliwo, nga bwe tutaabalambike mu nkozesa y’olulimi tuyinza okukyejjusa,” Hajji Kateregga bwe yakkaatirizza.  N’agattako nti, “Bobi Wine mukwano gwaffe era tutambudde naye bulungi naye ekyakoleddwa DP Bloc wadde twabaddeyo naye tetwataddeko mukono,” Kateregga bwe yagumizza.
 
Ate omwogezi Kyammundu yagasseeko nti mu kiseera kino JEMA ekulemberwa Pulezidenti Asuman Basaalirwa beefunyiridde mu kuzuukusa buwagizi bwabwe mu bannakibiina. 
 
N’agamba nti tebalabikira nnyo mu kkamera naye basisinkana mu nkola ey’akamese tambula kuba bettanira enkyukakyuka mu ggwanga eziyise mu mirembe. 
Hajji Kateregga yawabudde n’Abasiraamu nti ebya baganda baabwe n’abaana ababonaabonera mu makomera, bibazibule amaaso nti NRM tebayisizza bulungi. 
 

More From The Author

Emboozi z’omuwandiisi endala

Emboozi endala

Leo 220x290

Omusibe atolose ku baserikale abatuuze...

ABATUUZE ku kyalo Kimuli mu ggombolola y’e Maanyi mu disitulikiti y’e Mityana bavudde mu mbeera ne basuulira poliisi...

Sevo1 220x290

Aba NRM mu Buganda batongozza Museveni...

ABAKULEMBEZE ba disitulikiti za Buganda eziwera 10 bakwasizza Pulezidenti Museveni ekkanzu eya kyenvu, ekyanzi,...

Tta 220x290

Eyatta owa bodaboda akkirizza okutuga...

Poliisi: Okimanyi nti obadde onoonyezebwa? Omusibe: Nkimanyi, kubanga akatambi akaatuleetera obuzibu nange nakalabako...

Pastorbugingo2703422350250 220x290

Bugingo asekeredde abaamututte...

Bugingo yasinzidde mu kusaba kw’omu ttuntu n’ategeeza nti tewali agenda kumugaana kwogera. Era ye talina muntu...

Abasumba 220x290

Abasumba bye baatudde ne basalawo...

ABASUMBA abakulira abalokole mu Uganda batudde ne bateesa ku nsonga za Paasita Aloysius Bugingo. Olukiiko lwakubiriziddwa...