TOP

Abalimi b'emmwanyi basambira waggulu nga jjanzi

By Scovia Babirye

Added 11th April 2019

Abalimi b'emmwanyi basambira waggulu nga jjanzi

Lab2 703x422

Minisita Bamulanzeeki Ssempijja ng'annyonnyola

MINISITULE y’obulimi n’obulunzi esse omukago n’ensi ya Vietnam okusobola okulinnyisa omutindo n’obungi bw’emmwaanyi ezirimwa mu Uganda.

Bwabadde ayogerako eri bannamawulire Minisita Vincent Bamulangaki Ssempijja, omukago guno gugendereddwaamu okwongera ku bungi bw’emmwanyi ezifuluma mu Uganda wamu n’okwongera ku mutindo Uganda esobole okuvuganya ku katale k’ensi yonna mu kutunda emmwanyi.

‘’Uganda kati efulumya ensawo z’emmwanyi  obukadde mukaaga naye omukago guno gugenda kutuyamba okweza obukadde 20 n’okudda waggulu  era abalimi b’emmwanyi balina okukomya okweraliikirira kuba enfuna yaabwe engenda kweyongera.’’Minisita bweyategeezezza.

Ayongerako nti enkolagana eno erimu okusomesa n’okuwanyisiganya abakugu n’emisomo egyenjawulo okulaba nti obulimi bw’emmwanyi bwanguyira bantu ate n’okutuuka ku mutendera Vietnam gweriko .

Agambye nti bakwongera okubangula abalimi b’emmwanyi okulaba nti buli mulimi abeera n’amaazi okufukirira emmwanyi so si kulinda nkuba ate n’okuyiga okukozesa ebigimusa kuba biyamba okwongera ku mutindo gw’emmwanyi.

Apollo Kamugisha okuva mu Uganda Coffee Development Authority asabye Gavumenti okwongera ssente mu mmwanyi nga bagula ebigimusa, amazzi, okunoonyereza wamu n’okukubiriza abantu okweyongera okulima emmwanyi olwo Uganda lwejja okusobola okuvuganya ku katale k’ensi yonna.

Ayongeddeko nti Gavumenti era esaana eyongere amaanyi mu kulwanisa abantu abatunda ebigimusa ebicupuli kuba biviirako okuddiriza omutindo gwemmwaanyi

More From The Author

Emboozi z’omuwandiisi endala

Emboozi endala

Pala 220x290

Ebya Nagirinya biyingiddemu omukazi...

POLIISI eyongedde okugaziya okunoonyereza kwayo mu kutemula Maria Nagirinya, bwegguddewo fayiro ku mukyala omu...

Rermanamakula 220x290

Rema amalirizza okugula eby’omukolo...

OMUGOLE Rema Namakula akomyewo okuva e Buyindi ne mu Butuluki na ssanyu era agamba tewali ayinza kwekiika mu mukolo...

Img20190831wa0235209984377320145757 220x290

Ebikwata ku kusoma kwa Sebunya...

HAMZAH Sebunya, bba wa Rema omupya yasooka kukuguka mu by’okukebera omusaayi mwe yatikkirwa dipulooma mu November...

Manya 220x290

Omukyala asusse okumpisiza omukka...

SSENGA, Mukyala wange alina omuze gw’okumpisiza omukka ate nga guwunya bubi ddala. Tusula mu muzigo kale bw’akikola...

Gnda 220x290

Omukyala kaalaala alumya omutima...

NG’OMUKWANO bwe bagamba nti butiko tebukkatirwa nange olugero olwo nali n’alukwata bulungi era ebbanga lye nnamala...