TOP

Sipiika Kadaga akomyeewo kasirise mu ggwanga

By Kizito Musoke

Added 16th April 2019

Sipiika Kadaga akomyeewo kasirise mu ggwanga

Lab2 703x422

Rebecca Kadaga

SIPIIKA wa Palamenti Rebecca Kadaga akomyewo kasirise mu ggwanga ng’ava mu ddwaaliro lya Aga Khan e Nairobi gye yatwalibwa ng’alumizibwa. Sam Obbo munnamawulire wa Sipiika yakakasizza nga Kadaga bwe yakomyewo kyokka n’agaana okulambulula ebisingawo.

Yasuubizza nga bw’ajja okufulumya ekiwandiiko ku nsonga eno gye bujja. Kyokka ensonda mu famire zaategeezezza nti yakomyewo ku Lwomukaaga ku ssaawa 10:00 ez’olweggulo ng’ennyonyi yamutuusirizza ku kisaawe e kikadde e Ntebe. “Kituufu twamukimye wadde yabadde alabika nga munafu, kyokka yabadde ali mu mbeera nnungi.

Tumusuubira ekiseera kyonna okuddamu okukakkalabya egy’eggwanga bw’anaaba amaze okuwummulamu,” owa famire ataayagadde kumwatuukiriza mannya bwe yagambye.

Mu kuva ku nnyonyi yasobodde okutambula obulungi, wadde nga bwe yabadde alinnya emmotoka eyamwongeddeyo bamukutteko. Enteekateeka eyakoleddwa nga ya kyama kyategeezeddwa nti Kadaga ye yagyagadde nga tayagala kusasamaza bantu kumanya nti yabadde akomyewo.

Teyatambulidde mu mmotoka ye entongole ey’obwasipiika. Wiiki ewedde Kadaga yaweereza obubaka eri ababaka ba Palamenti n’eggwanga ng’abagumya nga bwe yali yeewulira obulungi era ng’asuubira okukomawo mu ggwanga ekiseera kyonna.

Obulwadde obubadde butawaanya Kadaga okusinziira ku kiwandiiko ekyafulumizibwa Obbo kyava ku bukoowu olw’olugendo lwe yaliko mu Amerika n’amawanga amalala

More From The Author

Emboozi z’omuwandiisi endala

Emboozi endala

Nwagi 220x290

Amazina n’ennyambala bizaalidde...

Amazina n’ennyambala Winnie Nwagi bye yayolesezza mu ndongo y'abayizi bimuzaalidde akabasa. Yeetondedde abazadde...

Kaputeeniwacranesonyangongaatonerakatikkiroomujoozigweyazannyiddemumuafcon1webuse 220x290

Abalina ebitone mukozese omukisa...

Abazannyi abalina kye mwekoledde muyambe ne bannammwe okwekulaakulanya nga bwe muteeka Uganda ku maapu

Naabagerekangaasomesaabaanamukisakaatewebuse 220x290

Abazade baakusomesebwa engeri y'okuyamba...

Okutendeka omwana mu Kisaakaate ate n'adda eka ng'abazadde tebamanyi ngeri ya kubalambikamu kubeera nga kwoza n'oyanika...

Yawenemunnengabakongolaenkoko1webuse 220x290

Mu kusala enkoko mwe ntandise bizinensi...

Emirimu gye nayitanga egy'abacaafu n'abataasoma mwe nfunye ssente ezinnyambye okutandika bizinensi endala n'okwetuusaako...

Annotation20190722173519 220x290

Banjoman muto wa Bobi Wine alina...

Banjoman muto wa Bobi Wine alina ke yeekoleddewo