TOP

Poliisi ennyonnyodde ku kivvulu kya 'Kyalenga

By Martin Ndijjo

Added 17th April 2019

Poliisi ennyonnyodde ku kivvulu kya 'Kyalenga

Nab1 703x422

Bobi Wine

OMUBAKA Robert Kyagulanyi Ssentamu (Bobi Wine) alayidde nga bw'agenda okugenda mu maaso n’ebivvulu bya Kyalenga ebitegekeddwa mu bitundu by’eggwanga eby'enjawulo wadde nga poliisi ekyagaanye okumuwa olukusa.

Bobi Wine eyabadde ayogeza obumalirivu yasinzidde mu lukuhhaana lwa bannamawulire eggulo e Kamwokya n'ategeeza nga okuyimba bwe kiri ekitone kye era ddembe lye kubanga gwe mulimu mwaggya ssente ezimubeezaawo ne famire kale talaba nsonga lwaki bamugaana.

Yabadde ne bamaneja be ssaako ba pulomoota; Abbey Musinguzi amanyiddwa nga Abtex ne Andy Mukasa owa Bajjo Events abagamba nti omwezi gumu emabega baawandiikira poliisi nga bagitegeeza ku bivvulu bye bategese, e Busaabala ku One Love beach ku Easter Monday, Lira nga May 3, Gulu nga May 4 ne Arua nga May 5 kyokka n’okutuusa kati tebaddangamu kye beekengedde nga bagamba nti kandiba akakodyo akakolebwa poliisi okuvaayo ku ssaawa esembayo ekabateme nti ebivvulu bisaziddwaamu.

Bobi Wine wano we yasinzidde okugamba nti ku mulundi guno tagenda kugenda mu kkooti kubanga n’omusango gwe yaloopa teguwulirwanga n'akunga abantu omuli ne bayimbi banne okusituukiramu balwanirire eddembe lyabwe ng'agamba leero kiri wuwe enkya kigenda kubeera ku muyimbi mulala.

“Ffe tetulina musango gwe twakola gavumenti eno era tetuli bamenyi bamateeka tukola mirimu gyaffe, gye twasomerera gyagaana nga muganda wange ono Nubian li yasoma gwa kubala bitabo emirimu ne gibula kati kwe kutondawo gye tusobola era gituyamba n’okuyamba bannaffe Bo bapulomoota Abitex ne Bajjo balaze okutya nga bwe boolekedde okufiirwa ssente empitirivu ssinga Bobi Wine tebamukkiriza kuyimba.

Baagambye nti “ffe tetutegese Hon. Kyagulanyi tutegese Bobi Wine era z'endagaano ze tulina. Ekisinga okutwewuunyisa tetulabanga ku bbaluwa ntongole kuva mu gavumenti oba ewa Pulezidenti Museveni etegeeza nga Bobi Wine bw'atakkirizibwa kuyimba naye simanyi lwaki bamugaana".

Ebivvulu bino tubitaddemu obutitimbe bwa ssente kale tusaba poliisi ereme kutufiiriza ate si ffe ffeeka abafiirwa wabula n’abantu abalala bangi ebivvulu kwe bitambulira naye ssinga poliisi egaana okutuwa olukusa n’obukuumi ffe twekozeemu dda omulimu okulaba ng'abantu beekuuma.” Ssinga poliisi egaana ebivvulu bya Bobi Wine guno si gwe mulundi ogugenda okubeera ogusoose ng’ebivvulu bye bigaanibwa.

Mu August w’omwaka oguwedde poliisi yagaana ekivvulu kya Kyalenga mu kisaawe e Namboole ng’egamba nti waliwo abantu abatali bamu abagenda okutegekerayo emikolo okutuuka nga January 2019.

Wadde ng’oluvannyuma baamukkiriza okukitegeka e Busaabala ku One Love beach, ebivvulu ebirala bye baali bamupangisizzaamu okuyimba byo byagaanibwa nga poliisi egamba byali biyingiziddwaamu ebyobufuzi ekyavaako abategesi okufiirwa obutitimbe bwa ssente abamu n’okutuusa kati bakyalaajanira Pulezidenti Museveni abaliyirire.

POLIISI EYAGEDDE

Fred Enanga omwogezi wa poliisi mu ggwanga bwe yatuukiriddwa ku ssimu ku nsonga z’ebivvulu bya Bobi Wine ono yasoose kutegeeza nga bw'atalina kyabimanyiiko n'ajuliza dayirekita w’ebikwekweto mu poliisi nti abadde taliiwo mu ggwanga wabula yakomyewo era agenda kumwebuuzaako okukakasa oba ddala Bobi ne banne baawandiikira poliisi nga bwe bagamba

More From The Author

Emboozi z’omuwandiisi endala

Emboozi endala

Nwagi 220x290

Amazina n’ennyambala bizaalidde...

Amazina n’ennyambala Winnie Nwagi bye yayolesezza mu ndongo y'abayizi bimuzaalidde akabasa. Yeetondedde abazadde...

Kaputeeniwacranesonyangongaatonerakatikkiroomujoozigweyazannyiddemumuafcon1webuse 220x290

Abalina ebitone mukozese omukisa...

Abazannyi abalina kye mwekoledde muyambe ne bannammwe okwekulaakulanya nga bwe muteeka Uganda ku maapu

Naabagerekangaasomesaabaanamukisakaatewebuse 220x290

Abazade baakusomesebwa engeri y'okuyamba...

Okutendeka omwana mu Kisaakaate ate n'adda eka ng'abazadde tebamanyi ngeri ya kubalambikamu kubeera nga kwoza n'oyanika...

Yawenemunnengabakongolaenkoko1webuse 220x290

Mu kusala enkoko mwe ntandise bizinensi...

Emirimu gye nayitanga egy'abacaafu n'abataasoma mwe nfunye ssente ezinnyambye okutandika bizinensi endala n'okwetuusaako...

Annotation20190722173519 220x290

Banjoman muto wa Bobi Wine alina...

Banjoman muto wa Bobi Wine alina ke yeekoleddewo