TOP
  • Home
  • Amawulire
  • ‘Temwongeza bbeeyi ya nnyama ku nnaku enkulu’

‘Temwongeza bbeeyi ya nnyama ku nnaku enkulu’

By Moses Kigongo

Added 18th April 2019

Abatemi b'ennyama abeegattira mu kibiina kya, “Kampala Butcher Trader’s Association” (KABUTA) ekikulemberwa Sennabulya balabudde bannaabwe obutamala gongeza bbeeyi ya nnyama mu biseera bino ng’agamba nti tekikoma kulemesa bakasitoma baabwe kubagulako nnyama kyokka kireetawo n’okuvuganya okuteetaagisa okukosa entambuza y’emirimu gyabwe.

Kabuta2 703x422

Ssenabulya(kuk kono) n'abatwala ebyokwerinda e Kabowa gye buvuddeko mu kimu ku bikwekweto by'okukwata abatemi b'ennyama abawa bakasitoma babwe ebipimo ebitaweze.

 

ABATEMI b’ennyama balabudde bannaabwe abateekateeka okutondawo emidaala egimenya amateeka mu bitundu bya Kampala eby’enjawulo wamu n’okweyambisa amayinja ga minzaani ag’ebicupuli  okubba bakasitoma babwe mu biseera by’ennaku enkulu (Paasika).

Bano abeegattira mu kibiina kya, “Kampala Butcher Trader’s Association” (KABUTA) ekikulemberwa Sennabulya (ssentebe waakyo) era balabudde bannaabwe obutamala gongeza bbeeyi ya nnyama mu biseera bino.  Yagambye nti kino  tekikoma ku kulemesa bakasitoma baabwe kubagulako  nnyama kyokka wabula kireetawo n’okuvuganya okuteetaagisa okukosa entambuza y’emirimu gyabwe.

“Tugenda kukolaganan’ebitongole byokwerinda okuli poliisi n’abakulira ebitongole ebirondoola omutindo gw’ennyama okukakasa nga bakasitoma baffe bafuna ebipimo ebituufu  mu ssente zaabwe n’okukakasa ng’obubbi bw’ebisolo  obutera okubalukawo mu biseera by’ennaku enkulu tebubeerawo  kubanga kizuuliddwa ng’abamu ku bannaffe abatera okutondawo emidaala egy’ekimpatiira mu biseera bino be babusibyewo,” Ssenabulya bwe yategeezezza ng’ayogerako eri bammemba b’ekibiina kya KABUTA abakkaanyizza ku ky’okutunda ennyama ku miwendo egifaanagana mu biseera bya Paasika.

Yabyogeredde ku ofiisi z’ekibiina kino e  Wandegeya ku Lwokusatu era wano abakinjaaji we bakkaanyirizza okutunda ennyama ku bbeeyi ey’awamu (wakati wa 12,000/- ne 13,000/-). 

More From The Author

Emboozi z’omuwandiisi endala

Emboozi endala

Mag1 220x290

Omubaka wa Igara West Rafael Magyezi...

Omubaka wa Igara West Rafael Magyezi eyaleeta ekiteeso ky'okuggya ekkomo ku myaka gya Pulezidenti aweereddwa obwa...

Bra1 220x290

Biibino bye wasubiddwa mu mpaka...

Biibino bye wasubiddwa mu mpaka z'emisono

Ritahpenny1 220x290

Akabaga k’amazaalibwa ga Ritah...

Ritah Penny bamukoledde akabaga k'amazaalibwa akamucamudde.

Lytobosswife4 220x290

Mukyala wa Lyto Boss asulirira...

Omuyimbi Lyto Boss yeesunga 'ssukaali' mukyala we asulirira kuzaala

Hazard333 220x290

Hazard asuubizza aba Chelsea

Hazard agamba nti bw'aliba avudde mu Real Madrid, ayinza okuddayo mu Chelsea.