TOP
  • Home
  • Amawulire
  • Bp. Luwalira yennyamidde ku ttemu erikudde ejjembe mu ggwanga

Bp. Luwalira yennyamidde ku ttemu erikudde ejjembe mu ggwanga

By Benjamin Ssebaggala

Added 18th April 2019

OMULABIRIZI ‘e Namirembe Rt. Rev. Wilberforce Kityo Luwalira awadde obubaka bw’amazuukira n’alaga okwennyamira ku ttemu erikolebwa mu ggwanga ne bakola okunoonyereza kyokka ne kutavaamu lipooti ennyonnyola.

Archbishopwilberforcekityoluwalirathenamirembedioceseheadrehabilitationmarathonrun2017willbeheldatthenamirembecathderalgroundsonapril2920171 703x422

Teri kubba kutono buli abbye sente z’eggwanga entono n’ennyingi bonna babbi okwo bw’ogattako ekibba ttaka ekiri mu ggwanga wennyamira ate bw’otunuulira ekibba ttaka ekiriwo oyinza okulowooza nti batuukiriza njogera egamba nti bw’okiwakanya obeera olamuza magombe.

Bino Omulabirizi Luwalira abitadde mu bubaka bw’amazuukira bw’aweerezza n’agamba nti okuzza emisango naddala ng’abantu bakozesa kompyuta ne tekinologiya ow’ekikugu byeyongedde  okwo n’gattako abantu abali mu bifo ebyawaggulu mu gavumenti ng’abamu baboogerera amafukuule ne batuuka n’okufiirwa ebifo bye balimu.

Agambye nti abantu bonna ku mazuukira gano basaana okwekwata obubaka Yesu bw’awa mu Yokaana 14:27 EMIREMBE GIBEERE NAMMWE… 

Yagambye nti kyennayamiza okulaba ng’obukuubagano n’akavuyo weekali mu ggwanga ng’abakuumaddembe bakalinamu omukono nga kino kiva ku ntegeka z’okulonda kwa 2021 okusuubirwa eivuddeko enjawukana na buli muntu okweyagaliza yekka ne kivaako obunkenke okweyongera mu ggwanga.

Agambye nti bw’otunuulira ekyagudde ku muliraano e Sudan ne mu mawanga amalala byennyamiza ‘abazira bagudde!’

Awadde abantu amagezi okunywerera ku bubaka Yesu bwe yawa abayigirizwabe ng’amaze okuzuukira buli muntu ayagalize munne emirembe newankubadde nga waliwo amayengo mu bulamu.

Annyonnyola nti ku nsi tewali munnabyabufuzi oba omugagga ffugge yenna ayinza okukuwa obulamu obw’omwoyo okuggyako Yesu Kristo singa obeera ng’osazeewo okumukkiriza n’omuyingiza mu bulamubwo.

Yasabidde abalwadde okuli sipiika Rebecca Kadaga, Katikkiro wa Uganda eyawummula Polof. Apolo Robinson Nsibambi n’Omulabirizi Hannington Mutebi ali mu kujjanjabibwa e Bungereza.

Agumizza abaviiriddwako abaagalwa babawe nga Nabagereka Syliva Nagginda eyafiiriddwa kitaawe John Luswata n’amaka g’omugenzi Nelson Ssebuggwawo bonna.

More From The Author

Emboozi z’omuwandiisi endala

Emboozi endala

Nwagi 220x290

Amazina n’ennyambala bizaalidde...

Amazina n’ennyambala Winnie Nwagi bye yayolesezza mu ndongo y'abayizi bimuzaalidde akabasa. Yeetondedde abazadde...

Kaputeeniwacranesonyangongaatonerakatikkiroomujoozigweyazannyiddemumuafcon1webuse 220x290

Abalina ebitone mukozese omukisa...

Abazannyi abalina kye mwekoledde muyambe ne bannammwe okwekulaakulanya nga bwe muteeka Uganda ku maapu

Naabagerekangaasomesaabaanamukisakaatewebuse 220x290

Abazade baakusomesebwa engeri y'okuyamba...

Okutendeka omwana mu Kisaakaate ate n'adda eka ng'abazadde tebamanyi ngeri ya kubalambikamu kubeera nga kwoza n'oyanika...

Yawenemunnengabakongolaenkoko1webuse 220x290

Mu kusala enkoko mwe ntandise bizinensi...

Emirimu gye nayitanga egy'abacaafu n'abataasoma mwe nfunye ssente ezinnyambye okutandika bizinensi endala n'okwetuusaako...

Annotation20190722173519 220x290

Banjoman muto wa Bobi Wine alina...

Banjoman muto wa Bobi Wine alina ke yeekoleddewo