TOP
  • Home
  • Amawulire
  • Taata n’omwana bafudde lumu;Omu bamuziise mu ntaana ya People power omulala mu ya NRM

Taata n’omwana bafudde lumu;Omu bamuziise mu ntaana ya People power omulala mu ya NRM

By Musasi wa Bukedde

Added 20th April 2019

Taata n’omwana bafudde lumu;Omu bamuziise mu ntaana ya People power omulala mu ya NRM

Hab1 703x422

Entaana ya Bbosa baagisiize bimyufu ne Ey’omwana baagisiize kyenvu kyokka akasaalaba ne bakateekamu ebimyufu.

KATEMBA abadde ku kyalo Namuyenje mu ggombolola y’e Nakisunga e Mukono mu kuziika taata n’omwana. Abakungubazi beeyawuddemu ebibinja bibiri; ekimu kye baayise ekya ‘People power’ ate ekirala nga kya NRM.

Kino kiddiridde George Bbosa abadde omuvuzi wa bodaboda ku Romano siteegi okufa oluvannyuma lw’okugwa ku kabenje bwe yatomereganye n’owa bodaboda omulala.

Muwala we Nalumu ow’emyaka 8 olwawulidde nti kitaawe afudde naye n’azirika ekiddiridde kufa.

Omulambo gwa Bbosa bwe gwabadde guggyibwa mu ggwanika e Mulago, gwawerekeddwa ebbiina ly’aba bodaboda erimanyiddwa nga Nsassagge Group nga bakutte ne bendera emmyuufu okuli ebigambo ‘PEOPLE POWER’. Era bwe baatuuse okumuziika, entaana ye ne bagisiiga langi emmyuufu.

Rose Nakayima, maama wa Bbosa bw’alabye kino naye n’asalawo entaana ya muzzukulu we Nalumu bagisiige langi eya kyenvu kubanga ye wa NRM ate n’omuzzukulu abadde munne nnyo. Abavubuka baasoose kukiwakanya naye ne bamala ne bakkakkana bwe babakkirizza omusaalaba gw’omu ntaana ya Nalumu okugusiiga langi emmyuufu.

Ssaalongo Ntale mukwano gwa Bbosa yagambye nti omugenzi abadde wa kisinde kya People power era kye baavudde bamuziika mu ngeri eno. Nakayima yagambye nti mutabani we abadde musajja mukozi ng’ate talina ky’akola nga tasoose kwebuuza.

Kansala wa Nabuti ku lukiiko lwa disitulikiti, Romeo Augustine annyonnyodde nti ekifo akabenje mwe kaagudde kifuuse akattiro n’asaba abavuzi b’ebidduka okwegendereza.

More From The Author

Emboozi z’omuwandiisi endala

Emboozi endala

Npc03webuse 220x290

Abavubuka bayambibwe mu byobulamu...

Abavubuka basaana bayambibwe mu byobulamu basobole okwekuuma, okwejjanjabisa n'okumanyisibwa ebikwata ku byobulamu...

Coffeetree1webuse 220x290

Alina omusaayi omutono muwe amazzi...

Atalina musaayi kozesa bikoola bya mmwaanyi ofune ogukumala

Camavingajpg111 220x290

Ttiimu za Premier 3 ziswamye musaayimuto...

Camavinga, wa myaka 16 era ttiimu za Premier zigamba nti akacanga nga Paul Pogba.

Ssuubikazimba 220x290

Abakrisitaayo balabuddwa okulwa...

ABAKRISTAAYO balabuddwa okukomya okumala obudde bwonna mu masinzizo nga balindirira Katonda okubakolera ebyewuunyo...

Mbvsmpindi1web002web 220x290

Abembogo beewaanye bwe bagenda...

ABAWAGIZI n'abakungu be Mbogo beewanye nti "omunene asigala munene" oluvanyuma lwokukuba Empindi ggoolo 3-0 mu...