TOP
  • Home
  • Agebwelu
  • Abaafudde mu Sri Lanka ku Paasika baweze 300

Abaafudde mu Sri Lanka ku Paasika baweze 300

By Musasi wa Bukedde

Added 23rd April 2019

OMUWENDO gw’abantu abaafiiridde mu bbomu abatujju ze beetulisirizzaako mu Klezia ssatu ne wooteeri nnya mu Sri Lanka gulinnye. Kati bali 300 ate abalala abasukka 500 bapooca n’ebiwundu. Obulumbaganyi buno bwabaddewo ku Ssande ng’abagoberezi ba Kristu bali mu Mmisa ku mazuukira.

Srilanka5zper190421hpmain125992 703x422

Omuduumizi wa poliisi mu Sri Lanka, Ruwan Gunasekara yategeezezza omukutu gwa CNN nti omuwendo gw’abaafudde gwabadde gulinnye okuva ku 198 ne bawera 300.

Gavumenti ya Sri Lanka yalangiridde nti olwaleero (Lwakubiri) lwakukungubaga mu ggwanga lyonna nga bajjukira abantu abaafiiridde mu bulumbaganyi.

Engatto z’abantu abaabadde badduka ekibambulira zikyabunye ebifo byonna. Kuno kwogatta n’ebitaba by’omusaayi ogwabunye ebifo byonna.

Okumanya ng’okubwatuka kwabadde kw’amaanyi ennyumba eziriraanye ebifo awaatulikidde bbomu zaayatise endabirwamu ne ziyiika ng’oyinza okulowooza waliwo eyazikoonye.

Amadirisa agaabadde mu Klezia ne wooteeri zonna gaabuseemu era gaasangiddwa geesudde akabanga.

Gavumenti ya Sri Lanka erangiridde bw’egenda okuliyirira famire z’abaakoseddwa zonna omuli okusasulira eby’okuziika n’okutambuza emirambo.

Abaasimattuse n’ebisago nabo bagenda kubeerako omutemwa ogubasasulwa. Amasinzizo gonna agaayonoonese nago Gavumenti yasuubizza okugaddaabiriza ku ssente zaayo.

Agongedde okuzuuka ku baafudde galaga nti kwabaddeko bannansi ba Bungereza munaana.

Emirambo egimu baatandise okugiziikia nga waliwo abafamire abaasazeewo okugiziika awamu okumpi ne Klezia ya St. Sebastian Church.

Mu kuziika abantu baasimbye ennyiriri emabbali g’ekkubo nga bwe batunuulira ssanduuke eyabadde mu langi ya kiragira omwabadde muteereddwa emirambo egyakubiddwa bbomu nga si kyangu kugyawula Tewali kibinja kyavuddeyo kwewaana okubeera emabega w’obulumbaganyi buno.

Bbomu nnya ze zaasoose okubwatuka n’endala ebbiri ne zibwatuka oluvannyuma lw’essaawa bbiri.

More From The Author

Emboozi z’omuwandiisi endala

Emboozi endala

Index 220x290

'Mwenyigire mu by'obulimi ebivaamu...

PULEZIDENTI Museveni akunze Bannayuganda okumwegattako okulwanyisa abakulu b’amasomero abasaaawo ffiizi ez’ekimpatiira...

Plana 220x290

Bobi Wine akoze pulaani endala...

BOBI Wine bwe yavudde e Jamaica yasookedde ku mukolo gwa muganda we Fred Nyanzi era eno gye yayanjulidde pulaani...

Kcca 220x290

Ebbaluwa y’abasuubuzi ku by’oluguudo...

EBBALUWA y’abasuubuzi mu Kampala abeegattira mu KACITA gye baawandiikidde Loodi meeya Erias Lukwago ne dayirekita...

Sanyu1 220x290

Kyokka Golola Moses of Uganda!...

OMUKUBI w’ensambaggere Golola Moses of Uganda nga bwe yeeyita yajagalazza abantu bwe yalabiddwaako ng’ali n’omuwala...

Ni 220x290

Nagenda okuva mu kkomera nnasanga...

NZE Joshua Kayiira nga ndi musuubuzi mu kibuga Kampala naye nga mbeera Kawaala.