TOP
  • Home
  • Amawulire
  • Balonze akakiiko k’emikolo gy’omusumba w’e Masaka omuggya

Balonze akakiiko k’emikolo gy’omusumba w’e Masaka omuggya

By Musasi wa Bukedde

Added 25th April 2019

Balonze akakiiko k’emikolo gy’omusumba w’e Masaka omuggya

Fat2 703x422

Omusumba Kaggwa ( ku ddyo) ne Serverus Jjumba alinda okutuuzibwa.

ABAKRISTU mu ssaza ly’e Masaka batandise okwetegekera okutuuza Omusumba omuggya ow’essaza lino nga July 6, 2019. Omukolo gwakubeera ku kisaawe okumpi ne Lutikko y’e Kitovu.

Mu kiwandiiko ekyafulumiziddwa wiiki ewedde nga kiteereddwaako omukono gw’omubaka wa Paapa mu Uganda, Bianco Luigi kyalaze nti Paapa Francis yalonze abadde Viika Genero w’essaza lino Musinyooli Serverus Jjumba okudda mu bigere by’Omusumba John Baptist Kaggwa abadde Omusumba w’essaza lino okuva mu 1995. Omusum,ba Kaggwa omwaka oguwedde bwe yawezezza emyaka 75 egyessalira gy’alina okuwummulirako obuweereza buno.

Serverus Jjumba bamuzaala Bulando - Bujja mu ggombolola y’e Buwungu okumpi ne Kitovu e Masaka ng’alina emyaka 57. Akoledde mu ssaza lino mu bifo ebyenjawulo nga yaliko omuwandiisi w’essaza kyokka waafunidde obukulu buno nga ye mubeezi w’Omusumna Kaggwa.

Baalonze olukiiko olukulirwa Rev. Fr. George Lubega n’omuwanika Rev. Fr. Ssemakula okutandika okulongoosa n’okuyooyoota ekisaawe awagenda okubeera emikolo. Olukiiko luno lwe lwaweereddwa omulimu gw’okunoonya ssente ezigenda okutegeka omukolo guno.

Olukiiko luno era lwamaze okutuukirira disititulikiti y’e Masaka ekulemberwa ssentebe Jude Mbabaali ne Meeya wa Masaka, Godfrey Kayemba Afaayo okubawa ebyuma ebigenda okweyambisibwa okusenda ekifo kino n’okubayamba okutereeza enguudo ezituuka mu kifo kino omukolo gugende okutuuka ng’ekifo kiyooyooteddwa bulungi.

Essaza ly’e Masaka litwala disitulikiti y’e Masaka, Kalungu, Ssembabule, Lwengo, Bukomansimbi, Rakai, Kyotera, Lyantonde ne Kalangala. Abaaali bakulembeddeko essaza lino kuliko; Omuzungu omugenzi Henry Streicher (Sitenseera) 1897-1933, omugenzi Joseph Kiwanuka Nakabaale 1939-1961 n’omugenzi Adrian Kivumbi Ddungu 1962-1998 ng’Omusumba John Baptist Kaggwa gwe yaddira mu bigere nga nga naye yawummudde Serverus Jjumba n’adda mu kifo kye

More From The Author

Emboozi z’omuwandiisi endala

Emboozi endala

Nwagi 220x290

Amazina n’ennyambala bizaalidde...

Amazina n’ennyambala Winnie Nwagi bye yayolesezza mu ndongo y'abayizi bimuzaalidde akabasa. Yeetondedde abazadde...

Kaputeeniwacranesonyangongaatonerakatikkiroomujoozigweyazannyiddemumuafcon1webuse 220x290

Abalina ebitone mukozese omukisa...

Abazannyi abalina kye mwekoledde muyambe ne bannammwe okwekulaakulanya nga bwe muteeka Uganda ku maapu

Naabagerekangaasomesaabaanamukisakaatewebuse 220x290

Abazade baakusomesebwa engeri y'okuyamba...

Okutendeka omwana mu Kisaakaate ate n'adda eka ng'abazadde tebamanyi ngeri ya kubalambikamu kubeera nga kwoza n'oyanika...

Yawenemunnengabakongolaenkoko1webuse 220x290

Mu kusala enkoko mwe ntandise bizinensi...

Emirimu gye nayitanga egy'abacaafu n'abataasoma mwe nfunye ssente ezinnyambye okutandika bizinensi endala n'okwetuusaako...

Annotation20190722173519 220x290

Banjoman muto wa Bobi Wine alina...

Banjoman muto wa Bobi Wine alina ke yeekoleddewo