TOP

Basonze obukadde 39 eza mmotoka y’e Namugongo

By Musasi wa Bukedde

Added 29th April 2019

Basonze obukadde 39 eza mmotoka y’e Namugongo

Tim2 703x422

Ven. Isaac Kijjambu (ku kkono), Kityo Luwalira ne Dr. Stephen Kazimba.

Okusaba okwategekeddwa Obulabirizi bw’e Namirembe kwe kwakulembedde okukuza olunaku lw’abajulizi nga June 3. Ku mukolo guno Abakrisitaayo baasonze ensimbi obukadde 39 mu buliwo okugula mmotoka y’ettendekero ly’abaawule e Namugongo.

Omukolo gwatandise na kusaba okwakulembeddwa Omulabirizi w’e Namirembe Wilberforce Kityo Luwalira n’Omulabirizi eyawummula Jackson Matovu. omulabirizi w’e Mityana, Dr. Stephen Kazimba ye yabuulidde.

Dr. Kazimba yasabye Abakrisitaayo okwagala n’okuwagira ebyabwe nga bajjukira nti buli omu Katonda yamuwa ekirabo eky’enjawulo ky’alina okukozesa okumuweereza n’abantu abamwetoolodde. ‘’Ffenna tuli baana ba Katonda, tujja kugenda naye bye tukoze bisigale ku nsi,’’Dr. Kazimba bwe yategeezezza.

Yasabye Abakristitaayo okukomya obukyayi ku buweereza ba mukama wabula babeeyambise okukola emirimu gye n’okumanya nti baliwo kiseera buseera. Yagambye nti abakrisitaayo abamu bagaanyi okukola emirimu gya mukama olw’obukyayi bwe balina ku baweereza nga beerabidde nti baliwo kiseera buseera.

Yabasabye okwegatta n’okukolera awamu okuzimba obwakabaka bwa Katonda. Yennyamidde olw’Abakrisitaayo abatalabirira babuulizi ba njiri n’abaweereza ba mukama. ‘‘Kyewuunyisa okulaba ng’abasamize n’abenzi batambulira mu mmotoka ez’ebbeeyi kyokka ng’abaweereza ba mukama batambuza bigere, abakristitaayo ne batalaga kufaayo kwonna.

Oluvannyuma omulabirizi Kazimba yakulembeddemu omulimu gw’okusonda ssente obukadde 80 ez’okugula kosita ya seminaliyo ye Namugongo. Yayambiddwaako Rev.Samuel Muwonge.

More From The Author

Emboozi z’omuwandiisi endala

Emboozi endala

Abr1 220x290

Empaka za ASFAs bazongeddemu ebirungo...

Basereebu beesunga kuwangula ngule mu mpaka z'emisono eza Abryanz Style and Fashion Awards (ASFAs)

Siba 220x290

Leero mu mboozi z'omukenkufu, tukulaze...

EMMWAANYI kyabugagga era bajjajjaffe baazitunda ne bakolamu ebintu eby’enjawulo omwali okusomesa abaana, okugulanga...

Kusasiraserenandijjo32 220x290

Ekyabade mu kivvulu kya Kusaasira...

Ekyabade mu kivvulu kya Kusaasira ku Serena: Museveni ayanukudde Mayinja ku by'oluyimba lwa 'Ebintu bizzeemu'

Cf67bb0a32be4b27bedf0076e8e46208 220x290

Bazannye ffirimu ku ngeri abavubuka...

Ekitongole kya Reach a hand nga kiri wamu n'Omunigeria kafulu mu kuzannya ffirimu Emmanuel Ikubese basabuukuludde...

Teekamu 220x290

Eyanzigya mu ssomero yeegaanye...

NKIZUDDE kati nti eyannimbalimba n’annemesa emisomo yali ayagala kunkozesa nga tanjagala bya ddala.