TOP
  • Home
  • Amawulire
  • Kasasiro wakukungaanyizibwa akolebwemu ebintu ebipya

Kasasiro wakukungaanyizibwa akolebwemu ebintu ebipya

By Deborah Nanfuka

Added 1st May 2019

Raymond Katebaka ssentebe UAIA agambye nti buli kintu ekisuulibwa kyakuddamu okukungaanyizibwa kikolebwemu ebintu ebipya, okugeza emifaliso, emipiira gya mmotoka, essimu n’ebirala.

Nema5 703x422

Abamu ku beetabye mu lukung'aana ku by’obutonde.

Ekitongole kya National  Environment and Management Authority  (NEMA) n’ekya Uganda Association for Impact Assessment (UAIA) bitandise kaweefube ku bintu nga kasasiro  bamufuule omulimu oguggyibwamu  ssente, okukuuma obutonde, okuyonja ebifo mwe tubeera  n'okukendeeza emikka  egy’obutwa mu bifo  bino. 

Timothy Muwonge maneja mu Environmental  Health and Safety ategeezezza   nti bafunye okusomoozebwa kungi olw’abantu abamansa kasasiro ekivuddeko obutonde bw’ensi okutaataaganyizibwa. Olw'embeera eno batandiseewo obukolero obugenda okukyusa ebitalina mugaso okubifuula eby’omugaso.

Polof. Dr. Hirashan Hettiarachchi akulira yuniti ekyusa kasasiro okumufuula ow’omugaso mu United Nations University (UNU) Flover Dresdan German agambye nti kasasiro avaamu ebigimusa, obucupa ne pulasitiika bisaanusibwa ne baggyamu payipu, engoye ebikopo, amasowaani, ebbaafu n’ebirala.  Raymond Katebaka ssentebe UAIA agambye nti buli kintu ekisuulibwa kyakuddamu okukungaanyizibwa kikolebwemu ebintu ebipya, okugeza emifaliso, emipiira gya mmotoka, essimu n’ebirala. 

Bino byatuukiddwaako mu lukungaana olw'ennaku essatu olwatudde ku Hotel Africana olwetabiddwamu abebyobutonde bw'ensi  okuva mu Zimbabwe, Tanzania, Kenya, Netherland  German, KCCA, NEMA,  Uganda n’ebitongole ebyenjawulo.      

Amakolero agatandikiddwawo  wano kuliko Kajjansi Town Council nga bakungaanya ttani za kasasiro 1,320 buli lunaku okuva mu bibuga eby’enjawulo.

Mu Kyengera Town Council pulasitiika bamukozeemu obutebe era  batandiseewo obukolero obutono.

Ebifo ebirala awatandikiddwa obukolero kuliko; Kitende, Bweya ne Namulanda nga beetaaga   1,868,500/- okutandika okukola.  Bakkaanyizza ne Kajjansi TC okuwaayo Poloti y’e Nakawuka olw’omulimu guno era batadde ssente mu babikungaanya.

Basuubira okutandikawo emirimu 500 buli mwaka giyambe abavubuka n’abakyala okwongera ku nnyingiza mu maka.

More From The Author

Emboozi z’omuwandiisi endala

Emboozi endala

Drssempangieyasingaanidwamumakagenanyonyolawebuse 220x290

Abaana Abakaramoja basomesebwe...

Ssempangi awabudde gavumenti ku baana b’e Karamoja abasibira ku nguudo n’ategeeza nga bwe batundibwa abazadde okujja...

Chozenbeckyclearwebuse 220x290

Abayimbi beesunga kusanyusa badigize...

Abayimbi ab'amannya bali mu kuwawula maloboozi olw'okwesunga okuyimba mu Kyepukulu ekiwagiddwa Vision Group ne...

Lukiikombalirira7 220x290

Buganda eyisizza embalirira yaayo...

OBWAKABAKA bwa Buganda buyisizza embalirira y’Omwaka 2019/2020 ng’eno ya nsimbi 121,079,490,880/- nga kweyongera...

Samba 220x290

Omusika atunze ebiggya ku 1500/=!...

PULOFEESA Kiwanuka Ssemakula amaziga gaamuyunguse bwe yatuuse ku butaka gy’asibuka ng’amalaalo ga kitaawe gaatundibwa...

Kub2 220x290

Gavt. esiimye ebitongole ebisikiriza...

Gavt. esiimye ebitongole ebisikiriza abavubuka okuyingira obulimi n’obulunzi