TOP

Ogwa Kitatta gusalwa nga 13 May 2019

By Joseph Makumbi

Added 7th May 2019

KKOOTI y’amagye emalirizza okuwumbawumba emisango egivunaanibwa eyali omuyima wa Bodaboda 2010, Abudallah Kitatta ssentebe waayo naawa olwa May 13, 2019 kkooti lw’eneesala omusango.

Kitatta703422 703x422

Kitatta

Ofiisa w’eddaala erisembayo okubeera ettono ku batuula ku lukiiko lwa kkooti y’amagye, byanaawa mu ngeri gye yalabyemu obujulizi bwonna ku njuyi ebbiri olwa Kitatta n’oluwaabi, kkooti by’eneesinziirako okuwa ensala yaayo.

Omuwabuzi wa kkooti eno mu by’amateeka Col. Richard Tukachungura bwe yabadde awumbawumba obujulizi bw’enjuyi zombi, yagambye nti okusalawo oba Kitatta ne banne bayimbulwa oba basibwa, kkooti yakutunuulira okunoonyereza kwa ofiisa w’amagye ow’eddaala erisembayo okubeera wansi ku kakiiko ka kkooti.

Kkooti y’amagye eriko ofi isa omu ow’eddaala erisinga okubeera wansi nga ye W0 1 Kamya era ng’okusinziira ku Tukachungura ono by’anaasalawo bye bijja okutwalibwa kkooti.

Amateeka agagobererwa bannamagye aga UPDF, etteeka erya 49 (1) liwa ofi isa ow’eddaala eryawansi obuyinza okuwa ensala ye era n’egobererwa kkooti okusingisa omuntu omusango oba okumwejjeereza.

Tukachungura yagambye nti erina okwekenneenya obujulizi bwonna obw’oludda oluwaabi n’olwa Kitatta n’obwegendereza olwo basooke bawe ensala yaabwe nga kkooti .

Yakkaatirizza nti ensala yaayo erina okutunuulira n’obwegendereza ensonga zino wammanga

Ku misango gy’okusangibwa n’ebyokulwanyisa mu bukyamu , kkooti erina okutuunulira oba ddala abawawaabirwa baasangibwa n’ebyokulwanyisa ebyogerwako oba nedda.

Oba ng’emmundu n’amasasi abawawaabirwa bye baasangibwa nabyo baali balina layisinsi entuufu ebakkiriza okubeera nabyo.

Oba nga ebyambalo bya UPDF bye basangibwa nabyo baali babirina mu butuufu oba nedda .

Ofiisa wa poliisi Ngoobi Sowali oba nga yalina olukusa okubeera n’ebyokulwanyisa era ssinga yali talina lukusa waakusingisibwa emisango ng’ofi isa wa poliisi.

Oludda oluwaabi oba nga lwakakasa bulungi mu bujulizi bwalwo awatali kubuusabuusa nti abawawaabirwa balina emisango , olwo kkooti esalewo oba ebayimbula.

Kitatta ne banne mwenda bamaze omwaka mulamba mu kkomera okuva lwe baakwatiba mu January 2018 ku misango gy’okusangibwa n’emmundu, amasasi ssaako ebyambalo bya UPDF nga byonna babirina mu bukyamu.

More From The Author

Emboozi z’omuwandiisi endala

Emboozi endala

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...

Magaya 220x290

Abawala 98 banunuddwa ku babadde...

ABEEBYOKWERINDA banunudde abawala 98 ababadde bakukusibwa okutwalibwa mu nsi za bawalabu okukuba ekyeyo.