TOP
  • Home
  • Amawulire
  • Male Mabiriizi awandiikidde Ochola omukuuku gw'ebbaluwa

Male Mabiriizi awandiikidde Ochola omukuuku gw'ebbaluwa

By Musasi wa Bukedde

Added 8th May 2019

MUNNAMATEEKA Male Mabiriizi awandiikidde omuduumizi wa poliisi mu ggwanga omukuuku gw’ebbaluwa ng’amusaba amukakase nti poliisi egenda kumuwa obukuumi ku ye nebintubye mu kiseera ky’agenda okumala ng’atalaaga eggwanga okusonda sente ezinaamuyamba mu musango gwe yawaabye mu kkooti ya East Africa.

Malemabiriizi2 703x422

Male Mabirizi ng'ali mu kkooti

Wiiki ewedde May 3, 2019 Mabiriizi yatudde omusango mu kkooti ya East African Kkooti Of Justice oguli ku nnamba 06/2019 ng’awakanya ensala ya kkooti ensukkulumu eyakakasa palamenti kye yakola okuggyawo ekkomo ku myaka gya pulezidenti.

Ebbaluwa yagiwandiise ku Mande n’ajjukiza poliisi nti okusinziira ku nnyingo 212(a) mu ssemateeka wa Uganda erambika obuvunaanyizibwa bwa Poliisi okukuuma omuntu n’ebintubye.

Ennyingo 29(1) (e) ewa abantu eddembe okukuba enkung’aana omuli n’ezookusonda sente ate 29(2) (a) emuwa eddembe okutambula mu buli kitundu kya Uganda nga takugiddwa muntu yenna.

Mu bbaluwa y'emu ategeeza nti ennyingo 43(2) (a) ne (c) erambika nti omuntu akola ekintu kyonna ku lw’obulungi bw’eggwanga talina kutulugunyizibwa lwa byabufuzi wadde okukugirwa okwenyimiriza mu ddembelye nga bwe lirambikibwa mu ggwanga eririna demokulasia.

“Okwesigama ku nsonga ezo waggulu nsaba ompe obukakafu nti nja kufuna obukuumi nze n’ebintu byange okuva mu kitongole ky’okulira” Mabiriizi bwe yaggumizza n’agamba nti asuubira okutalaaga munisipaali awamu ne Town Council  50 okwetoloola eggwanga.

Yategeezezza nti ebifo waagenda okukuba enkung’aana waakubitegeeza poliisi n’obudde bw’anabeerawo nga tannaba kusitula kugendayo era wekisoboka enkiiko waakuzikolera mu bisenge ebinene omukolerwa emikolo nga n’abantu okuyingira balina kumala kwewandiisa.

Ezimu ku nsonga Mabiriizi ze yawadde ng’awaaba yategeezezza nti:

  • Abantu baabulijjo bammibwa omukisa okwetabamu okukyusa ssemateeka.
  • Waaliwo okukozesa ekifuba n’okutyoboola eddembe ly’abantu ekyaleetera amagye ne poliisi okuyingira mu palamenti ne gakwata n’okusiba ababaka.
  • Okulemwa okugoberera amateeka n’emitendera palamenti gy’eyitamu okukyusa ssemateeka.
  • Sipiika Kadaga okuwolereza pulezidenti etteeka aliteekeko omukono nga lyawukanna kw’eryo ababaka lye baakubaganyaako ebirowoozo.

More From The Author

Emboozi z’omuwandiisi endala

Emboozi endala

Naki 220x290

Grace Nakimera akomyewo na maanyi...

Grace Nakimera akomyewo mu nsike y'okuyimba abadde yawummulamu asooke atereeze obufumbo

Kibowa13webuse 220x290

Abakyala mwekolemu ebibiina mufune...

Abakyala b'e Mukono bakubiriziddwa okwekolamu ebibiina bafune ku ssente za Gavumenti ezitaliiko magoba n'okuwagira...

Acaya1webuse 220x290

Omuyizi akoze mmotoka ne yeewuunyisa...

Omuyizi Francis Ocaya akoze mmotoka ne yeewuunyisa Ababaka ba Palamenti ne bamusuubiza omulimu

Abamukubamusigansimbiabataddemuensimbiokuzimbazikabuyonjongabawayaamunabamukubaanawebuse 220x290

Temusimbira nkulaakulana kkuuli...

Abagirimaani bazimbidde essomero ly'e Ntenjeru kaabuyonjo ey'omulembe

Omulyangogwambabaziogwateeredwaakoebyokoolawebuse 220x290

Ebigambibwa okuba ebyokoola bisasamazza...

Omusaayi ogumansiddwa ku luggi lw'omutuuze nga kuliko ebbaluwa etiisatiisa okufa okumusemberedde bisattizza ab'e...