TOP
  • Home
  • Ageggwanga
  • Abtex ne Bajjo batutte omudduumizi wa poliisi Ochola mu kkooti

Abtex ne Bajjo batutte omudduumizi wa poliisi Ochola mu kkooti

By Martin Ndijjo

Added 21st May 2019

Abtex ne Bajjo batutte omudduumizi wa poliisi ne ssaabawolereza wa gavumenti mu kkooti lwa bivvulu bya Bobi Wine.

Abi 703x422

Abtex ku kkono. Lukwago ow'okubiri ku ddyo ne Bajjo ku ddyo mu kkooti

ABATEGESI b’ebivvulu bya Bobi Wine ebya Kyalenga Extra baagala kkooti eggyewo envumbo poliisi gye yateeka ku bivvulu byabwe obutategekebwa.

Leero Abbey Musinguzi owa Abtex Productions ne Andy Mukasa owa Bajjo Events nga bali ne Munnamateeka waabwe Loodi Meeya Erias Lukwago owa M/S Lukwago & Co Advocates bawawaabidde omudduumizi wa poliisi ne Ssaabawolereza wa Gavumenti mu kkooti enkulu mu Kampala.

Mu mpaaba yaabwe bawakanya ekya poliisi okusazaamu ebivvulu bye baali bategese n’okugaana Bobi Wine okuyimba nga bagamba byakolebwa mu bukyamu.

Bagamba nti baayingira mu ndagaano ne Bobi Wine (omubaka Robert Kyagulanyi) ya ssente

230,000,000/- okutegeka ebivvulu bya ‘Kyalenga Extra Concert’ nga April 4, 2019 e Busaabala ku One Love Beach, May 3, 2019 e Lira, May 4, 2019 e Gulu ne May 5, 2019 mu Arua.

Ku ssente zino baamuwaako ekitundu nakkiriza okuyimba n’okuleete abayimbi be abalala wabula baafiirizibwa olwa poliisi okubagaana.

Bano kati baagala kkooti eggyewo envumbo poliisi gye yateeka ku bivvulu bya Bobi Wine basobole okukola era okusinziira ku Lukwago agamba etteeka erirung’amya enkungaana z’ebyobufuzi, poliisi mwe yayita okugaana ebivvulu bino terikola ku bivvulu by’abayimbi.

“Olw’okuba abantu bange bagoberezi b’amateeka, poliisi ne bwe yayita mu tteeka erirungamya enkungaana z’ebyobufuzi eritakola ku bivvulu, obukwakulizo bwonna obwabasibwako baabutuukiriza omuli: okuwandiikira poliisi, okulaga olukalala lw’abayimbi abagenda okuyimba, ebyokwerinda, ekifo we bagenda okukola n’ebirala.

Yagambye nti kyewuunyisa nti poliisi yagenda mu maaso n’okugaana ebivvulu nga kati baagala kkooti ebayambe.” Lukwago bwe yagambye.

Abtex ne Bajjo era bawakanya ekya poliisi okubakwata bwe baali bagenze e Busaabala nga baagala kkooti eragire baliyirirwe olw’okufiirizibwa.

Omuwandiisi wa kkooti enkulu, Sarah Langa fayiro y’omusango guno yagisindise wa mulamuzi, Lydia Mugambe agenda okugukolako nga balindiridde lunaku.

Bano baagala gavumenti eyise ekiwandiiko bw’eba teyagala Bobi Wine addemu kuyimba.

More From The Author

Emboozi z’omuwandiisi endala

Emboozi endala

Namwandu 220x290

Bannamwandu ba Kirya balumbye muggya...

FAMIRE y’omugenzi Sheikh Ibrahim Kirya eyatemulwa mu 2015 eyongedde okutabuka ng’entabwe eva ku bigambibwa nti...

5216 220x290

Kkondomu ezisoba mu kakadde 1 ezirimu...

Bannayuganda abettanira kkondomu za Life Guard baweereddwa amagezi okwekenneenya kkondomu ze bagula nga tebannazikozesa....

Abataka1webuse 220x290

Tetugenda kusirika ng'ebika bisereba...

Bakatikkiro b'ebika balayidde obutaleka bika kusereba ne basalawo okwegatta bakolere wamu okubitumbula

Muzaata 220x290

Ebyabadde mu nsisinkano ya Museveni...

Pulezidenti Museveni asisinkanye akakiiko ka poliisi akafuzi n’alagira abaserikale essira balisse ku kulwanyisa...

Lim21webuse 220x290

Engeri gy'olimira mu kkutiya okufuna...

Omusomesa akulaga bw'akozesa ebikutiya okukola ssente mu kulima enva endiirwa