TOP
  • Home
  • Amawulire
  • Leero mu mumboozi y'omukenkufu tukulaze engeri gy'oyinza okukozesaamu butto w'empirinvuma okulwanyisa obulumi ng'oli mu nsonga n'abembuto

Leero mu mumboozi y'omukenkufu tukulaze engeri gy'oyinza okukozesaamu butto w'empirinvuma okulwanyisa obulumi ng'oli mu nsonga n'abembuto

By Musasi wa Bukedde

Added 22nd May 2019

Leero mu mumboozi y'omukenkufu tukulaze engeri gy'oyinza okukozesaamu butto w'empirinvuma okulwanyisa obulumi ng'oli mu nsonga n'abembuto

Kab2 703x422

Butto w’empirivuma.

BW’OBA omanyi ensansa kiba kyangu okumanya empirivuma. Zino ziva ku muti gw’ensansa eziruka emikeeka ne ze bakozesa okunyeenya amatabi (abamu bakiyita olukindukindu). Wabula omuti guno bwe gukula guteekako ebibala ebiyitibwa empirivuma.

Olw’obugumu bw’omuti guno kwe baggya n’erinnya lya Kabaka erya Lukoma Nnantawetwa, kubanga enkoma nazo ziva okwo. Ensigo z’empirivuma ze zimu ku nsigo ezikyasinze okukaluba era omuti kwe ziva gumala ebbanga erisoba mu myaka 50 nga gusika eminnyo mu ttaka ne gugiyingiza mu nsigo zino.

Enkima n’ebisodde birya ensigo zino ne bitalumbibwa ndwadde. Tezirina bulabe ku muntu, era tuzirya naye engeri gye tuzitegekamu si ntuufu. Abamu basooka kuzisiikako ate ekitta ebirungo ebirimu, osaanye kuzirya nga mbisi naye zikaluba awo ffe aba Pro Biorearch tukwanguyirizza ne tukamulamu butto.

Era butto akamuddwaamu ayamba bino;

Okwongera omutima amaanyi n’okugumya ebinywa ne nnabaana, era ky’ova olaba edda abakyala nga bali mbuto nga bazirya ne basobola obutazaalira ku biso. N’olumu nga bazaalira waka ku kitooke.

Egumya amagumba, omuntu n’atambula olugendo oluwanvu naye nga takooye era bw’otunuulira Abasenegal abazirya ennyo baba bagumu ate nga balina amaanyi. Tunuulira ku bazannyi b’omupiira abavaayo.

Ezibukula enseke z’abakyala kuba erimu ekirungo kya ‘Nicotinic acid’ ekizibukula enseke z’abakyala amagi ne gasembera omukyala ne kimwanguyira okufuna olubuto.

Eyamba ku bakyala abali mu nsonga obutalumizibwa, bano bakozesa butto waayo.

Nnungi ku bantu abalina enkwaso ennafu, naddala ssinga omukozesa ng’omugasse wamu ne butto ava mu biryo by’ensujju.

Ziyamba abaana abasoma kuba butto alimu vitamiini B6 ayamba omuntu okulowooza n’okukwata amangu.

Zikkakkanya alusa.

Ayamba ku binyama ebikwata mu nnyindo naddala mu baana ne baba nga baziyira olumu kibaviirako okufa.

Ebizimba mu nnabaana kuba etereeza obusimo bw’omubiri n’otafuna bizimba.

Abantu abeerabira ennyo naddala abakadde, butto abayamba okuba nga tokyerabiralabira. l Akola yogati, oddira butto w’empirivuma n’omugatta mu yogati n’okola yogati azzaamu amaanyi ate nga wa butonde.

Empirivuma ezzaamu amaanyi g’ekisajja n’okuwangaalira mu kisaawe.

Eyamba ku bantu abalina obulwadde bw’abazira ssinga onywa akajiiko kamu ku mazzi agabuguma. l Abaana abatera okulumbibwa endwadde ebayamba okuzirwanyisa.

Ekibi empirivuma bagitemye naye kye kiseera okutandika okugisimba. Bw’oba onywa oteeka akajiiko kamu mu mazzi agabuguma. Asangibwa ku Equatorial Mall dduuka nnamba 152 mu Kampala. Mufune ku 0702061652 / 0779519652.

More From The Author

Emboozi z’omuwandiisi endala

Emboozi endala

6 220x290

Yiga bwe bafumba enkoko erimu enniimu...

Yiga bwe bafumba enkoko erimu enniimu

Omumyuka 220x290

Pulezidenti Museveni teyeeyibaala...

OMUBAKA wa Busiro East mu palamenti, Medard Lubega Sseggona ategeezezza Pulezidenti Museveni nti teyeeyibaala nti,...

Kutte1 220x290

Nakibinge akunyizza Haruna Kitooke...

JJAJJA w’Obusiraamu, Omulangira Kassim Nakibinge, Omulangira Kakungulu Kalifaani, Sheikh Nuuhu Muzaata ne bamaseeka...

And 220x290

Tondaba akanyiriro embeera mbi...

HARUNA alombojjedde Sipapa ebizibu by’ensimbi byatubiddemu olw’okwenyigira mu by’obufuzi.

7900135314007387300859518542802200714280960n 220x290

Gravity Omutujju amaze n’alaga...

KYADDAAKI Gravity Omutujju alaze mukyala we mu lujjudde n’ategeeza nga bwe bagenda okwanjula mu January wa 2020...