TOP
  • Home
  • Amawulire
  • Eyakuba owa KCCA n’amubba alaze poliisi gye bawummulira

Eyakuba owa KCCA n’amubba alaze poliisi gye bawummulira

By Musasi wa Bukedde

Added 24th May 2019

Eyakuba owa KCCA n’amubba alaze poliisi gye bawummulira

Kat7 703x422

OMUVUBUKA eyakubye omukozi wa KCCA n’amunyaga n’amuleka ng’ataawa atutte poliisi n’agiraga ebifo ye ne banne gye basinziira okujja okubba abantu n’awaayo n’olukalala okuli amannya ga banne.

Jafferi Kidayida eyakwatiddwa poliisi oluvannyuma lw’okwetegereza ebifaananyi kkamera bye yakwata ng’ali mu kikolwa eky’okukuba Mathias Ssekamatte, ye yakulembeddemu abaserikale.

Abaserikale abakulembeddwaamu akulira poliisi y’e Nakasero, Francis Liiga , Kidayida yasoose kubatwala mu kibangirizi ky’Olubiri e Mengo awali ebimuli n’ategeeza nti waliwo abawummulirawo mu budde obwemisana nga bwe balinda obudde buwungeere bagende bateege ab’okubba. Kidayida era yatutte abaserikale mu Kisenyi wasula n’aggyayo akatabo k’agamba nti mulimu nnamba z’essimu za banne babba nabo.

Poliisi yakutte Collins Walugembe naye ali mu kibinja ekinyakula ssimu ku bantu ku nguudo ez’enjawulo ne bazitunda mu Cooper Complex. Bwe baavudde mu Kisenyi yabatutte emabega w’ekizimbe kya Ovino okuliraana ekkanisa y’Abakristaayo ng’eno banne bwe baamulengedde n’abaserikale ne baddukira mu mwala.

Kidayida yakwatiddwa poliisi oluvannyuma lw’okufuna ebifaananyi ebyakwatibwa kkamera y’oku luguudo e Nakasero nga bimulage engeri gye yalumbamu Ssekamatte n’amukuba ejjinja ku mutwe n’amunyagako ebintu n’adduka. Oluvannyuma yakozesa essimu ya Ssekamatte n’akubira abooluganda lwe ne babasaba emitwalo 12 ze baasindika.

Amyuka omwogezi wa poliisi mu Kampala n’emiriraano, Luke Owoyesigyire yagambye nti, bagenda kweyambisa amawulire Kidayida ge yabawadde okukwata banne baakolagana nabo mu kubba abantu ku kifuba n’okubavunaana.

More From The Author

Emboozi z’omuwandiisi endala

Emboozi endala

Abr1 220x290

Empaka za ASFAs bazongeddemu ebirungo...

Basereebu beesunga kuwangula ngule mu mpaka z'emisono eza Abryanz Style and Fashion Awards (ASFAs)

Siba 220x290

Leero mu mboozi z'omukenkufu, tukulaze...

EMMWAANYI kyabugagga era bajjajjaffe baazitunda ne bakolamu ebintu eby’enjawulo omwali okusomesa abaana, okugulanga...

Kusasiraserenandijjo32 220x290

Ekyabade mu kivvulu kya Kusaasira...

Ekyabade mu kivvulu kya Kusaasira ku Serena: Museveni ayanukudde Mayinja ku by'oluyimba lwa 'Ebintu bizzeemu'

Cf67bb0a32be4b27bedf0076e8e46208 220x290

Bazannye ffirimu ku ngeri abavubuka...

Ekitongole kya Reach a hand nga kiri wamu n'Omunigeria kafulu mu kuzannya ffirimu Emmanuel Ikubese basabuukuludde...

Teekamu 220x290

Eyanzigya mu ssomero yeegaanye...

NKIZUDDE kati nti eyannimbalimba n’annemesa emisomo yali ayagala kunkozesa nga tanjagala bya ddala.