TOP

Embeera y’enguudo e Mukono yeeraliikiriza

By Musasi wa Bukedde

Added 16th June 2019

Embeera y’enguudo e Mukono yeeraliikiriza

Jip2 703x422

Abaana nga bayita mu mazzi aganjadde mu kkubo.

Emirimu mu disitulikiti y’e Mukono gisannyaladde ng’entabwe eva ku nguudo embi n’emigga egyawaguzza amazzi ne ganjaala mu kkubo ne galemesa abatambuze n’abaana abagenda ku masomero.

Ssentebe wa disitulikiti y’e Mukono, Andrew Ssennyonga yagambye nti, amagombolola agasinga okubeera obubi ye; Nakisunga, Kimmenyedde, Ntunda, Nama, Naggojje, Kyampisi, Mpatta, Mpunge, Seeta-Namuganga, Kkoome ne Nakifuma tawuni kkanso.

Mu ggombolola y’e Nakisunga, abaana abakozesa oluguudo oluva e Kayanja okudda e Seeta-Nazigo nga bagenda ku masomero kati batambula olugendo luwanvu. Sylvia Buyinza ow’e Seeta- Nazigo yagambye nti embeera eno esinze kukosa abayizi abasomera ku Kungu-Bahai ng’omugga gwa Ssezibwa gwawaguza amazzi ne ganjaala mu kkubo ng’abayizi babadde tebasobola kugayitamu.

“Ng’abazadde, twakiraba nga kyabulabe okusindika abaana ku ssomero ng’omugga guyinza okubatwala. Naye kati ng’amazzi bwe gagenze gakendeera, batandise okusoma, kyokka ekizibu enkuba ekyatonnya”, bwe yagambye Bukedde bwe yatuuse mu kifo kino yasanze abayizi ba Kungu-Bahai nga basala mazzi okudda eka naye ng’embeera nzibu n’abamu bakira okusaza bannaabwe amazzi babaweeka ku migongo.

Fatuma Namukose, omu ku bayizi yagambye nti buli nkuba lw’etonnya amazzi ne ganjaala mu luguudo bazadde baabwe nga babagaana okusoma. Namukose yagambye nti wadde ng’amazzi gakendedde, naye okusala omugga balina kusooka kuggyamu ngatto nga n’abamu basomera mu bigere ne nniigiina oba lugabire eziteetaagisa kusooka kuggyamu.

Aliziki Namirembe, omusuubuzi yagambye nti olw’embeera embi mu kiseera kino, bawalirizibwa n’okusula ku mirimu mu kibuga ng’enkuba etonnye olw’okutya amazzi agabeera amangi nga gazibye oluguudo.

Namirembe yagambye nti n’ebirime bivundira mu nnimiro kubanga abavuzi ba bodaboda abandibadde babitwala mu katale bagaana nga batya okugwa mu mugga. Yagambye nti mu kiseera kino, bodaboda okuva e Nakisunga okugenda e Seeta-Nazigo ebaggyako 8,000/- nga zibadde 2,000

More From The Author

Emboozi z’omuwandiisi endala

Emboozi endala

Tteeka1 220x290

Ebintu 10 ebivaako abakazi okwetamwa...

Omukazi ayinza okukyawa akaboozi oba obutabeera mu mbeera za kwegatta olw’ensonga ezitali zimu.

Genda 220x290

Sheikh Muzaata: Kuva dda nga musajja...

SHEIKH NUHU MUZAATA Batte yazaalibwa mu myaka gya 1950 e Bwayise mu Lufula Zooni okumpi ne Kimombasa mu maka g'omugenzi...

Tteeka2 220x290

Baleese etteeka ku kunyumya akaboozi...

GGWE ssebo abadde alowooleza mu bya, ‘omusajja tammwa kantu’, bukukeeredde! Palamenti ereese etteeka mw’osobola...

20128largeimg210aug2012144442107703422 220x290

Ab'e Kibuli boogedde ku bya Kenzo...

Sheikh Abdul Salaam Mutyaba Imaam w’omuzikiti gw’e Kibuli yagambye bakyetegereza ebya Kenzo era bagenda kutuuza...

Kulanna 220x290

Eyali bba wa Kulannama awadde Kenzo...

Eyali bba wa Senga Kulannama n’amugoba, Abdul Lubega, awadde Kenzo amagezi nti byonna by’ayitamu ye (Lubega) bifaanana...