TOP
  • Home
  • Amawulire
  • Aba bbanka enkulu abaakwatiddwa bagguddwaako emisango 2

Aba bbanka enkulu abaakwatiddwa bagguddwaako emisango 2

By Musasi wa Bukedde

Added 17th June 2019

Aba bbanka enkulu abaakwatiddwa bagguddwaako emisango 2

Got2 703x422

ABAKUNGU ba bbanka enkulu abaakwatiddwa mu kikwekweto ekyaduumiddwa Lt. Col Editth Nakalema ku bigambibwa nti waliwo ssente obuwumbi 90 ze baayingiza mu ggwanga mu bumenyi bw’amateeka, baggudwaako emisango gya nnaggomola ebiri ku fayiro nnamba 651/2019.

Okusinziira ku kiwandiiko kya Poliisi Bukedde kye funyeeko kkoppi, abaakwatiddwa bagguddwaako; okukozesa obubi ofiisi zaabwe, n’omusango ogw’okwekobaana n’ekigendererwa eky’okubba ssente za bbanka ya Uganda.

Kigambibwa nti ekkobaane lino lyalimu n’abanene okuva mu bitongole ebirala okuli ekivunaanyizibwa ku ntambula y’ennyonyi ku kisaawe e Ntebe ekya Civil Aviation Authority (CAA) n’ekitongole ky’emisolo mu ggwanga ekya URA.

Kigambibwa nti abanene bano beeyambisa omukisa nga waliwo ssente ezigenda okutikkibwa ku nnyonyi zireetebwe mu ggwanga, wabula mu kifo ky’ebifuluusi 20 ebyali birina okuba ku nnyonyi, abanene baayongeramu ebisawo ebirala bitaano (5) omwali obuwumbi 90 nga zaabwe za kugabana.

Kigambibwa ssente zino zaali ziggyibwa mu Bufalansa nga ku zino, ebisawo 20 ebyalimu obuwumbi 350, ze zaali eza bbanka enkulu, ate ebisawo ebirala ebigambibwa okuba nga byakukusibwa byalimu obuwumbi 90.

Ku Lwokusatu, Caroline Nankabirwa avunaanyizibwa ku kugula n’okutunda mu bbanka enkulu, yakwatiddwa n’atwalibwa ku Poliisi y’oku CPS mu Kampala ne banne okwabadde Simon Peter Zaribugire, omukungu wa avunaanyizibwa ku kuluhhamya ku bya ssente n’abalala.

Ensonda mu Poliisi zigamba nti Nankabirwa yayimbuddwa ku kakalu ka Poliisi wamu ne Zaribugire, wabula ne balagirwa okweyanjula ku Lwokusatu nga June 19, 2019 ku ssaawa 4:00 ez’oku makya eri AIGP Grace Akullo, akulira bambega ku kitebe ekikulu e Kibuli. Nankabirwa yeegatta ku bbanka enkulu ng’ava mu bbanka ya Stanbic so nga Zaribugire yali akolera mu URA.

Ensonda era zaategeezezza Bukedde, oluvannyuma lw’okukwata abanene bano, abeebyokwerinda bakkiriziganya buli omu okumwawula ku mulala kireme kutaataaganya kunoonyereza kwabwe. Abalala abanoonyerezebwaako kuliko; Julie Piloya, Milton Baluku, Francis Kakeeto, Baker Kikabi, Fred Wanyama n’abalala. Abamu baatwalibwa ku CPS, abalala ku SID e Kireka, ate abalala ne batwalibwa e Mbuya

More From The Author

Emboozi z’omuwandiisi endala

Emboozi endala

Kakozaemmotokazeazilabiriraokusikirizabakasitomawebuse 220x290

Mmotoka enkadde mwe nkola ssente...

Wazir Kakooza alaga lwaki omuntu yeetaaga kuyiiya kyokka okukola ssente mu kifo ky'okunoonya emirimu.

Miss 220x290

Abavuganya mu mpaka za Miss Uganda...

Abawala 22 abavuganya mu mpaka za Miss Uganda battunse mu mpaka z'okwolesa talanta

Eyeclinicwebuse 220x290

Kw'olabira amaaso ageetaaga okujjanjabwa...

Kebeza amaaso go buli mwaka okutangira obuzibu okusajjuka ssinga gabeera malwadde

Img20190718132844webuse 220x290

Abakyala mukole ebiraamo okutangira...

Abakyala muve mu kwezza emabega mukole ebiraamo okuwonya abaana bammwe okubbibwa n'obutafuna mu ntuuyo zammwe

Bala3 220x290

Abaabadde ne Prince Omar ng'akwata...

OMUYIMBI amanyiddwa nga Prince Omar bwe yabadde akola vidiyo ye abaamuwerekeddeko baalidde emichomo gyennyama kw'ossa...