TOP

Afiiridde mu kkanisa

By Musasi wa Bukedde

Added 17th June 2019

Poliisi y’ekitundu ereese kabangali okutwalirako omulambo mu ggwanika kyokka abagoberezi ne bagiremesa nga bagamba nti munnaabwe si mumenyi w’amateeka okumutwalira ku kabangali.

Afiiriddemukkanisa3 703x422

David Muzenze omusumba w'ekkanisa omwafiiridde omuntu ng'aliko by'annyonnyola kansala Rashidah Naluwooza.

Bya REGINAH NALUNGA

ABAGOBEREZI  mu kkanisa ya Jesus the Healer  e Kyebando mu munisipaali  y’e Kawempe baguddemu entiisa muweereza munnaabwe bw’afiiridde mu kkanisa.

Afudde ategeerekeseeko nga John Musoosi abadde akola ogw’obukebezi  nga y’akuuma n’ebyuma by’ekkanisa.

Enfa ya Musoosi  ekanze banne, kubanga bazadde b’omugenzi babadde baamulekera musumba okumulabirira.

Bwe balaabye ng’embeera eyonoonese ne bakubira Rashidah Naluwooza kkansala w’ekitundu kino okutwala munnaabwe mu ddwaaliro kyokka  yagenze okutuuka ng’afudde.

Ate poliisi y’ekitundu ereese kabangali okutwalirako omulambo mu ggwanika kyokka abagoberezi ne bagiremesa nga bagamba nti munnaabwe si mumenyi w’amateeka okumutwalira ku kabangali. Baagisinzizza amaanyi n’epondooka era omulambo ne bagutwalira mu ambyulensi y’ekitundu.

David Muzenze omusumba w’ekkanisa omwafiiridde omuntu, agambye nti Musoosi  abadde atawanyizibwa obulwadde bw’ensimbu naye nga bamusabira. Maama we akolera Iraq era nze mbadde mulabirira.

Poliisi  y’e Kyebando egguddewo fayiro SD:REF:24/15/06/2019 ku kufa kw’omugenzi.

More From The Author

Emboozi z’omuwandiisi endala

Emboozi endala

Pala 220x290

Ebya Nagirinya biyingiddemu omukazi...

POLIISI eyongedde okugaziya okunoonyereza kwayo mu kutemula Maria Nagirinya, bwegguddewo fayiro ku mukyala omu...

Rermanamakula 220x290

Rema amalirizza okugula eby’omukolo...

OMUGOLE Rema Namakula akomyewo okuva e Buyindi ne mu Butuluki na ssanyu era agamba tewali ayinza kwekiika mu mukolo...

Img20190831wa0235209984377320145757 220x290

Ebikwata ku kusoma kwa Sebunya...

HAMZAH Sebunya, bba wa Rema omupya yasooka kukuguka mu by’okukebera omusaayi mwe yatikkirwa dipulooma mu November...

Manya 220x290

Omukyala asusse okumpisiza omukka...

SSENGA, Mukyala wange alina omuze gw’okumpisiza omukka ate nga guwunya bubi ddala. Tusula mu muzigo kale bw’akikola...

Gnda 220x290

Omukyala kaalaala alumya omutima...

NG’OMUKWANO bwe bagamba nti butiko tebukkatirwa nange olugero olwo nali n’alukwata bulungi era ebbanga lye nnamala...