TOP

Yinginiya basanze afiiridde ku ‘sayiti’

By Musasi wa Bukedde

Added 18th June 2019

Yinginiya basanze afiiridde ku ‘sayiti’

Sab2 703x422

ENFA ya yinginiya w’amayumba eyasangiddwa ng’omulambo gwe gugahhalamye ku lubalaza ku mayumba kw’asula e Buddo etankanibwa ng’abamu bagamba nti ayinza okuba nga muganzi we gw’abadde yakafuna alina ky’agimanyiko abalala nti wabaddewo abamunoonya ku musango gw’okusobya ku bujje.

Richard Ssemakula omutuuze w’e Buddo ng’abadde mukwano gw’omugenzi Steven Katabaazi 40, yagambye nti ennaku nga satu emabega omugenzi yali yafunamu obutakkaanya ne muganzi we gw’abadde abeera naye era ne baawukana omukyala n’asigala ku nnyumba eya wansi ate bba n’alinnya n’atandika okusula ku mwaliiro ogutannaggwa. “Ekiro ekyakeesezza ku Mmande nanywedde ne Mutabaazi omwenge ekiro era nze nayawukanye naye ku ssaawa nga 7:00 ez’ekiro nga mulamu.

Ngenze okuwulira ku makya nti ate bamusse,” bwatyo Ssemakula bwe yategeezezza. Omulambo gwa Katabaazi gwasangiddwa nga gugahhalamye wansi wa kalina gy’abadde asulako eya Michael Lwanga era ng’omugenzi y’abadde agizimba.

Abamu ku bapangisa abataayagadde kubaatukiriza mannya baagambye nti baawulidde ekigwa ku makya ku ssaawa nga 11:00 wabula baasoose kulowooza nti oba kasawo ka ssementi wabula baagenze okuggulawo ku makya nga mukama waabwe abadde abasoloozaamu ssente ku lw’omugagga nannyini nnyumba gwe basse.

Omulambo gwa Mutabaazi poliisi y’e Nsangi yagututte mu ggwanika lya KCCA e Mulago okuzuula ekituufu ekyamusse

More From The Author

Emboozi z’omuwandiisi endala

Emboozi endala

Kakozaemmotokazeazilabiriraokusikirizabakasitomawebuse 220x290

Mmotoka enkadde mwe nkola ssente...

Wazir Kakooza alaga lwaki omuntu yeetaaga kuyiiya kyokka okukola ssente mu kifo ky'okunoonya emirimu.

Miss 220x290

Abavuganya mu mpaka za Miss Uganda...

Abawala 22 abavuganya mu mpaka za Miss Uganda battunse mu mpaka z'okwolesa talanta

Eyeclinicwebuse 220x290

Kw'olabira amaaso ageetaaga okujjanjabwa...

Kebeza amaaso go buli mwaka okutangira obuzibu okusajjuka ssinga gabeera malwadde

Img20190718132844webuse 220x290

Abakyala mukole ebiraamo okutangira...

Abakyala muve mu kwezza emabega mukole ebiraamo okuwonya abaana bammwe okubbibwa n'obutafuna mu ntuuyo zammwe

Bala3 220x290

Abaabadde ne Prince Omar ng'akwata...

OMUYIMBI amanyiddwa nga Prince Omar bwe yabadde akola vidiyo ye abaamuwerekeddeko baalidde emichomo gyennyama kw'ossa...