TOP

Ebivuddeko ettemu okweyongera

By Musasi wa Bukedde

Added 23rd June 2019

Ebivuddeko ettemu okweyongera

Hat1 703x422

Omukazi Mbabazi Umuhoza y’omu ku balwanya ebitongole ebikuumaddembe.

Okunoonyereza kwa Bukedde kulaga nti waliwo okugugulana okw’ekimpoowooze wakati wa poliisi n’amagye ku nsonga ez’aba LDU nga kino kiva ku ngeri aba poliisi gye balowooza nti, aba LDU baaleeteddwa okuga eggwanga nti poliisi eremeddwa. “ Ffe batukyayisizza mu bantu nti, emirimu gyatulema, kakati katubawe obudde nabo bakole”, Owa poliisi eyasabye amannya ge okusikirirwa bwe yategeezezza Bukedde.

Embeera eno yeeyolekera ne mu ngeri misoni ez’okukwata abatemu n’ababbi ezibaddewo ng’enfunda eziwerako amagye galeka poliisi ebbali ne galumba gokka ate ne poliisi nayo bw’ebeera ne misoni yaayo, nayo ekola yokka.

Ng’oggyeeko poliisi n’aba LDU obutakwatagana, waliwo n’entalo mu bitongole ebyokwerinda omuli; ISO, CMI ne poliisi nga ku nfunda eziwerako wabaddewo obukubagana empawo mu lujjudde ku nsonga ez’ebyokwerinda.

Kyokka bbo abeebyokwerinda bagamba nti, bakolagana bulungi ne bannaabwe kyokka obutakwatagana bwabwe, bweyongedde okweyoleka bwe baalumbye omukazi eyali muganzi wa Andrew Felix Kaweesi, Christine Umuhoza Mbabazi ku ddwaliro lya Agali Medical Center e Lungujja ne bakuba omukuumi we amasasi.

Kigambibwa nti, waabaddewo obunkenke obwamaanyi wakati wa poliisi n’aba LDU ng’abaserikale ba poliisi y’e Nteete baagala okukwata aba LDU abaakubye Albert Hakiri omujaasi w’eggye erikuuma pulezidenti essasi kyokka abatwala aba LDU ne babalemesa. Aba LDU abali mu bitundu, abantu beemulugunya nti, tebamanyi bitundu byabwe.

Abantu be baawandiika okuva ku byalo, ssi be baabawa okubakuuma. Enkolagana wakati w’abakulembeze ku bitundu n’ababakuuma ntono ate awamu teriiwo.

Bwe batta Atima, ekikwekweto kye baaliko, ssentebe w’ekyalo James Mulindwa agamba tebaamutegeezaako nga bagenda mu kitundu kye. Ensonda mu polisi zigamba nti, aba LDU bakola bokka tebakolagana na poliisi eyandibadde ebayamba okubalaga ebifo eby’obulabe, abantu ab’omutawaana n’okubalambika engeri gye basobola okukolamu emirmu.

Abatuuze b’e Kasawo balumiriza nti, Atima atuuke okuttibwa, aba LDU ekikwekweto baakirimu bokka tekwaliko muserikale wa poliisi yenna.

More From The Author

Emboozi z’omuwandiisi endala

Emboozi endala

Kakozaemmotokazeazilabiriraokusikirizabakasitomawebuse 220x290

Mmotoka enkadde mwe nkola ssente...

Wazir Kakooza alaga lwaki omuntu yeetaaga kuyiiya kyokka okukola ssente mu kifo ky'okunoonya emirimu.

Miss 220x290

Abavuganya mu mpaka za Miss Uganda...

Abawala 22 abavuganya mu mpaka za Miss Uganda battunse mu mpaka z'okwolesa talanta

Eyeclinicwebuse 220x290

Kw'olabira amaaso ageetaaga okujjanjabwa...

Kebeza amaaso go buli mwaka okutangira obuzibu okusajjuka ssinga gabeera malwadde

Img20190718132844webuse 220x290

Abakyala mukole ebiraamo okutangira...

Abakyala muve mu kwezza emabega mukole ebiraamo okuwonya abaana bammwe okubbibwa n'obutafuna mu ntuuyo zammwe

Bala3 220x290

Abaabadde ne Prince Omar ng'akwata...

OMUYIMBI amanyiddwa nga Prince Omar bwe yabadde akola vidiyo ye abaamuwerekeddeko baalidde emichomo gyennyama kw'ossa...